Menntamál - 01.08.1959, Blaðsíða 116
210
MENNTAMÁL
nægilegt framboð á kennurum. Þess var getið í þessu
sambandi, að um það bil helmingur nemenda í kennara-
skólum þessarra landa væru stúdentar. 1 Danmörku eru
stúdentar 3 ár í kennaraskóla, en í Noregi 2 ár. Þetta
vakti óskipta athygli, og voru þeir spurðir, hvaða ráð
þeir hefðu fundið til þess að leysa þann vanda, sem þing
þetta væri að leitast við að leysa. Fulltrúar þessara frænd-
þjóða okkar töldu, að auknar kröfur til menntunar kenn-
ara, tiltölulega hár meðalaldur kennaraskólanema, sæmi-
leg laun og yfirleitt góð starfsaðstaða í barna- og ungl-
ingaskólum o. fl. mundi ráða mestu um þetta. Bandaríski
fulltrúinn hafði svipaða sögu að segja.
Allir aðrir fulltrúar höfðu aðra sögu að segja. í lönd-
um þeirra er hörgull á fólki með kennaramenntun. í Israel
og Vestur-Þýzkalandi veldur hin öra fólksfjölgun mikl-
um erfiðleikum. í Israel eru það „þjóðflutningar“ af
frjálsum vilja og í Þýzkalandi flóttafólkið frá Austur-
Þýzkalandi, sem veldur skorti á skólahúsnæði og kenn-
nrum. í flestum löndum — nema íslandi — veldur það
allmiklum erfiðleikum, að konur í kennarastétt eru langt-
um fleiri en karlmenn. Mikill fjöldi kvenna hættir
kennslu, þegar þær giftast, og þær, sem halda áfram
kennslu, forfallast oft af eðlilegum ástæðum. Það þótti
sýnt, að víða mundu lág kennaralaun valda því, hvað til-
tölulega fáir karlmenn sæktu kennaraskólana. Fulltrúi
Austurríkis — og fleiri — taldi, að gera yrði ráðstafanir
til þess að nemendur, sem lokið hafa kennaraprófi — en
hefðu ekki stúdentspróf — fengju aðgang að háskólum
til þess að afla sér kennararéttinda við framhaldsskóla,
eða þeir gætu bætt við sig eins árs námi í kennaraskóla
til þess svo að öðlast sömu réttindi til háskólanáms og
stúdentar.
í mörgum þeim löndum, er áttu fulltrúa á þinginu, er
ýmist nýlega búið að lengja skólaskylduna eða það verð-
ur gert fljótlega. Við þetta eykst að nokkru þörfin fyrir