Menntamál - 01.08.1959, Blaðsíða 115
MENNTAMÁL
209
ar er þeim víða gert að standast hæfnispróf til kennslu-
starfa. í Þýzkalandi er stúdentspróf gert að skilyrði til
inngöngu í kennaraskóla (Lehrerakademie), en það kom
fram hjá einum þýzka fulltrúanum, að ástæða væri til
þess að endurskoða þetta nokkurra áratuga gamla ákvæði
með rýmkun þess fyrir augum.
3. Víðast er lágmarksaldur þeirra, er ekki hafa stú-
dentspróf, til inngöngu í 1. bekk kennaraskóla 17—19 ár.
Flestir töldu, að 18 ára aldur mundi æskilegastur, a. m. k.
í norðlægari löndum.
4. Námsárafjöldi í kennaraskólum er víðast 4 ár —
sums staðar 5 ár — fyrir aðra en stúdenta, en námstími
stúdenta 2—3 ár.
Um menntun kennara gagnfræðastigsskóla, mennta-
skóla og ýmissa sérskóla er það að segja, að alls staðar
þarf a. m. k. 2—3 ára háskólanám í viðkomandi kennslu-
greinum, og til inngöngu þarf stúdentspróf eða hliðstæða
menntun.
IV.
Um hörgul á fólki með kennaramenntun er þetta að
segja:
írland er eina landið, sem hefur nægum kennurum á
að skipa. Fulltrúi íra sagði, að þeir „flyttu út“ kennara
til Englands, Skotlands og fleiri enskumælandi landa.
Hann sagði í lok tölu sinnar: „I’m sorry to say that we
have no problem!“ Þá var brosað og fulltrúanum sagt, að
hann væri öfundsverður. En þá sagði írinn, að þetta staf-
aði m. a. af því, hve margir landar hans flyttu úr landi.
Fulltrúar Danmerkur og Noregs sögðu, að eins og sakir
stæðu vantaði fólk með kennaraprófi, en aðsókn að kenn-
araskólunum væri nú orðin svo mikil, að ekki hefði verið
hægt að veita nærri öllum viðtöku, sem sóttu um inngöngu
í 1. bekk skólanna, og margir stúdentar hefðu orðið frá að
hverfa. Þess væri því að vænta, að innan fárra ára yrði