Menntamál - 01.08.1959, Blaðsíða 78

172
MENNTAMÁL
ekki máli, hvort barnið nær 3—4 í lestri nokkrum mán-
uðum fyrr eða síðar. Það sem skiptir máli er, að það hafi
náð leikni í lestri við 9 ára aldur og sé í stöðugri og ör-
uggri framför. Það þarf mjög nauðsynlega að byggja upp
lestrarpróf, sem reyna á raunverulega hæfni barnsins við
lestrarnámið stig af stigi, próf, sem gefa til kynna, hvort
barnið hefur tileinkað sér undirstöðuatriði einhvers til-
tekins stigs, þannig að hæfilegt og forsvaranlegt sé að
hefja nám á því næsta. Barn getur með núverandi próf-
fyrirkomulagi í 7 og 8 ára bekkjum böðlazt áfram og náð
talsverðri einkunn, þótt það skorti þau undirstöðuatriði
mörg, sem tryggja örugga framför þess, góðan lestur og
endanlega fulla lestrarleikni. Kennarar þurfa að geta lagt
slík lestrarpróf fyrir börnin af og til og kannað örugg-
lega, hvar þau eru á vegi stödd. Núverandi prófverkefni
í lestri veita alls ófullnægjandi upplýsingar í þessum efn-
um, eru villandi og stundum beinlínis til ills. Þau stilla
barnið, foreldra og kennara langt um of inn á hraða fyrstu
og mikilvægustu ár lestrarnámsins. Staðhæfing alhliða
lestrarprófa af því tagi, sem hér eru höfð í huga eru all-
mikið verk, en nauðsynlegt að það verði unnið hið fyrsta.
Þá skal lítið eitt vikið að reikningskennslunni. Það er
sannfæring mín, að í meðalbekkjum 7 og 8 ára og jafn-
vel 9 ára líka sé lögð ofmikil áherzla að kenna börnum
reikning. Stundum eru reikningsverkefnin beinlínis of-
viða og til skaða. En jafnvel þótt svo sé ekki, er ég viss
um, að tíma barnsins væri að jafnaði betur varið til lestr-
ar og skriftar eða undirbúnings í þessum greinum. Þau
verkefni, sem þarf verulegan tíma til að nema í reikningi
í 7 ára bekkjum, liggja opin fyrir og krefjast lítils tíma
í 8 ára bekk og verkefni, sem valda erfiðleikum í 8 ára
bekk, eru leyst með litlum tíma og fyrirhöfn í 9 ára bekk.
Skal ekki frekar út í þetta farið, en erlendis liggja fyrir
ýmsar athuganir á, hvenær tímabært sé að hefja kennslu
í einstökum reikningsaðferðum. Hefur því verið of lítill