Menntamál - 01.08.1959, Blaðsíða 113
MENNTAMÁL
207
rökstólum flesta daga til kl. 18.00 eða 19.00. Matarhlé var
oftast frá kl. 13—15. Um miðja vikuna (fimmtud.) var
enginn síðdegisfundur. (Þá notaði ég tímann til þess að
fræðast í fræðslumálaskrifstofu Hamborgar). Þinginu
var slitið laugardaginn 7. marz kl. 13.00. Auk fundarsetu
þurftu þátttakendur tíma til þess að athuga það, sem
fram kom á fundunum, og búa sig undir næsta fund. Það
verður því vart annað sagt en að vel hafi verið fyrir því
séð, að þátttakendur gætu ekki slegið slöku við! Þess skal
þó getið, að fyrsta og síðasta kvöld þingsins var kvöld-
verður í húsakynnum uppeldismálastofnunarinnar, til þess
að fólkið gæti kynnzt við léttara hjal.
Fáum vikum áður en þingið hófst sendu þátttakend-
urnir hver um sig stutt yfirlit yfir skipan skólamála lands
síns til stofnunarinnar í Hamborg, svo og hvernig háttað
er menntun kennaranna. 1 byrjun þingsins fékk hver þátt-
takandi stutta yfirlitsskýrslu um þessi atriði, og auðveld-
aði það mjög þingstörfin. Ýmis önnur gögn voru okkur
fengin í hendur til glöggvunar og leiðbeininga.
Að lokinni þingsetningu var dr. Hans Reimers, einn
af fræðslumálastjórum Hamborgar, kjörinn forseti þings-
ins, og stjórnaði hann öllum sameiginlegum fundum þess
með miklum skörungsskap og lipurð.
Þátttakendur fluttu mál sitt á ensku, frönsku eða þýzku,
og voru ræður þeirra þýddar jafnóðum á bæði hin málin.
II.
Þingstörfum var þannig háttað, að fyrstu 2 dagana
greindu fulltrúar frá ástandi og horfum í skólamálum í
hverju landi fyrir sig og þá einkum frá því, er varðar
þörf fyrir kennara og aukna menntun þeirra. Næstu 2
dagana var þátttakendum skipt í 4 starfshópa, og voru
málin þá brotin til mergjar. Síðustu 2 dagana voru aftur
sameiginlegir fundir og þá ræddar niðurstöður starfshóp-
anna. Þessi starfstilhögun gafst mjög vel.