Menntamál - 01.08.1960, Side 64

158
MENNTAMÁL
Mundu það, að þreytan safnast smátt og smátt fyrir í lík-
ama og sál. Hvíldu þig áður en svo verður.
Hvernig getur skólinn sjálfur og forráðamenn hans
hjálpað þér? T. d. með því að leysa kennarann svo sem
hægt er undan óhóflegu bók- og skýrsluhaldi, ef það virð-
ist vera honum ofviða, og leitast í hvívetna við að auka
öryggistilfinningu kennarans og fjarlægja allt það, sem
valdið getur óþarfa hávaða og truflunum og reyna að
gera umhverfi skólans eins aðlaðandi og skemmtilegt og
hægt er. Dimmar og óhreinar kennslustofur þarf að endur-
skipuleggja og lagfæra. Skólinn verður að hafa innan vé-
banda herbergi, þar sem kennarinn getur notið afslöpp-
unar og hvíldar. Stuðla skal af fremsta megni að því, að
andrúmsloftið meðal kennara og forráðamanna skólans
sé vinsamlegt og óþvingað. Loks þetta: Gera skal sann-
gjarnar kröfur. Því aðeins hefur kennarinn möguleika
á að leysa störf sín vel af hendi, að honum sé ekki um of
íþyngt með alltof erfiðu starfi við óviðunandi vinnuskil-
yrði.