Heima er bezt - 01.08.1974, Side 5

verið komið á umrætt skip. Enda fer það svo, að hún
leggur hart að einkasyninum að hætta við sjómennsk-
una, sem hann og gerir fyrir hennar bænarorð.
En hvað skyldi þá til ráða?
Um þessar mundir skeður það, að í bæinn kemur
maður austan af landi, Karl Hansson að nafni. Hann
flytur með sér mikið af harðviði og lætur það berast
út, að hann hyggist starfrækja húsgagnaverkstæði og
vilji ráða nema. Ólafur Ágústsson fer að íhuga þetta:
Hann sér auglýsingu út í glugga, þar sem óskað er eft-
ir nemum til Karls Hanssonar. — Býsna gaman væri nú
að geta smíðað fallegt húsgagn. — Og teningunum er
kastað. Upp frá þessari stundu er það lífsstarf ráðið, sem
hann svo síðar verður kunnur af út um allt land.
Karl Hansson ræður strax tvo nema í húsgagnasmíði,
Ólaf Ágústsson á 14. ári og Jóhann Ólafsson á svipuðu
reki. Jóhann varð síðar heildsali í Reykjavík og er lát-
inn fyrir nokkrum árum.
Smíðanámið hefst með vinnutíma frá kl. 6 að morgni
til kl. 6 að kvöldi, og iðnskólanámið frá kl. 7 til 10 á
kvöldin. Iðnskólinn var til húsa í barnaskólahúsinu und-
ir Brekkunni, og honum stýrði séra Jónas Jónasson á
Hrafnagili.
Rannveig Þórarinsdóttir 29 dra.
Ólafur Ágústsson 18 ára gamall.
Karl Hansson fær inni með verkstæði sitt í þrílyftu
timburhúsi á háum grunni, sem Anton Jónsson timbur-
meistari átti. Hús þetta stóð rétt norðan við þar sem
verslunin Esja stóð eitt sinn, og margir eldri Akureyr-
ingar muna eftir.
Karl Hansson virðist hafa haft í hyggju talsverðan
rekstur, því brátt eru smíðanemar hans orðnir sex,
enda engar hömlur á tölu þeirra eins og síðar varð. En
svo gerast atburðir. Á mánudagskvöldi 30. nóv. 1908
berst sú fregn inn í iðnskóla til nemenda Karls Hans-
sonar, að kviknað sé í verkstæðishúsinu og það standi í
ljósum logum. Skiptir það engum togum, að húsið
brennur til kaldra kola, fáu verður bjargað og tjón
geysimikið. Karl Hansson hefur sennilega ekki átt um
marga kosti að velja, eins og nú var komið hans högum,
og hann ákveður að hætta smíðarekstrinum. Þetta finnst
Ólafi Ágústssyni ekki gott sem vonlegt var. Hann og
Jóhann Ólafsson eru búnir með þrjá fjórðu af náms-
tímanum, og þá verður skyndilega algjör óvissa með
framhaldið. Þá verður það að samkomulagi, að Ólafur
tekur að sér að útvega verkstæðispláss, nægilega stórt,
svo að hann og Jóhann geta haldið náminu áfram undir
handleiðslu Karls. Þetta gekk bærilega og í fyllingu
Heima er bezt 269