Heima er bezt - 01.08.1974, Side 9

íbúðarhúsið að Strandgötu 33 og verkstæðisbyggingin að Grundargötu 1, eins og þœr litu út eftir byggingu árið 1924.
sem öll hafa fest ráð sitt og eignast börn, nema Þórar-
inn.
Ekki vantar mig viljann að fara nokkrum orðum um
hana Rannveigu Þórarinsdóttur, en ég kýs að vera fá-
orður af ótta við, að heitar tilfinningar mínar gerðu þau
orð afkáraleg. Vilhjálmur bróðir hennar lét eitt sinn
svo um mælt í útvarpið, að það væri kynfylgja sfns
fólks að vera nokkuð seintekið, en þegar það hefði tek-
ið tryggð við einhverja manneskju stæði hún til ævi-
loka. Þegar ég heyrði þetta, fannst mér þetta hljóta að
vera sannmæli og varð hugsað til Rannveigar. Marga
vinsemdina hafði hún sýnt mér í æsku, en mesta og
besta á unglingsárum, þegar ég þurfti verulega á að
halda. Þá bauð hún mér að dvelja á heimili þeirra Ólafs
í tvo vetur á meðan ég var við skólanám. Þá var ég
orðinn aðkomumaður í fæðingarbæ mínum og átti ekki
í mörg hús að venda. Á heimih þeirra hjóna var breytt
við mig eins og ég væri þriðji sonurinn. — Þannig var
Rannveig, og ég hika ekki við að fuUyrða, að hún er
ein með mestu mannkostamanneskjum, sem ég hef
kynnst. Auðvitað kom Ólafur þarna við sögu, en um-
svif mín í heimilinu komu minna við hann en Rann-
veigu af augljósum ástæðum.
Ólafur Ágústsson hefur ekki mikið sinnt félagsmál-
um. f byggingarnefnd Akureyrarkaupstaðar sat hann
þó árum saman, og átti þannig beinan þátt í vexti bæj-
arins. Einnig starfaði hann talsvert að málefnum iðn-
aðarmanna hér í bæ, og formaður stjórnar Sparisjóðs
Akureyrar er hann í dag.
Nú er langur starfsdagur að kvöldi kominn. Enn kann
Ólafur þó ekki við sig nema vinna hluta úr degi á verk-
stæðinu, þó aldur sé orðinn hár. Annars hvílir verk-
stæðisreksturinn nú að mestu á herðum sonarins, Ágústs.
Ólafur yngri Ágústsson er líka orðinn húsgagnasmiður,
og bráðum Þórarinn, sem enn er í námi.
Minn gamli æskuvinur Ágúst, er þá orðinn mikið
breyttur, ef hann heldur ekki á lofti vandvirkninni og
hreinskiptninni í öllum viðskiptum, sem Ólafur Ágústs-
son er svo orðlagður fyrir.
Heima er bezt 273