Heima er bezt - 01.08.1974, Side 12

prútta við yður, í þeirri von að þér vandið afskriftirnar
sem bezt og einkum að þær verði sem réttastar og vil
ég þá hafa hvorttveggja sem þér nefnið, bæði árbækur
og Vestfirðingasögu. Ef þér næðið í annálarit eða ýmis-
legt safn til sögu lands vors, annað hvort almennt eða
t. d. ævisögur, væri mér mjög kært. Þér verðið kannske
svo góður að lofa mér að vita hvort þér hafið nokkuð,
eftir því sem tímar líða. Það sem við fáum hjá yður
vildi ég helzt fá sem fyrst og sem mest, þegar þér nú
vitið hvað við helzt viljum. Kannske Gísli gamli væri til
í að selja okkar afskrift eða exemplar af sumu, gegnum
yður, eða fyrir yðar milligöngu, af því sem þér komist
ekki yfir að skrifa.
Með vinsemd og kærri kveðju,
Jón Sigurðsson“.
Sighvatur til Jóns:
„Klúku í Bjarnarfirði þ. 5. júlí 1869.
Háttvirti herra Jón Sigurðsson:
Með línum þessum sendi eg yður húsvitjunarbók í
skræðum, frá Gaspsdal, og þar með copíusafn af um-
burðarbréfum frá sama stað. í öðru lagi sendi eg yður
nú húsvitjunarbók Skálmarnesmúla kirkju, frá 1750—
1809. Einnig fylgir þessu til yðar safn af ýmsum skjöl-
um, af ýmsu tagi, sem eg hef verið að skrapa saman og
ætla yður, og munuð þér sjá að sumt af þeim eru fágæt
og allgóð í sinni röð, og mörg af þeim upplesin við
Öxarár alþingisrétt, með innsiglum undir, svo sjá má að
það er ekki afskriftir heldur frumrit. Skjalarusl þetta er
að tölu nálægt 52 bréf, fyrir utan skræðu sem við kem-
ur gömlum réttarbótum. Þetta í heild sinni sendi eg
yður að eign en ekki félagi okkar, en þér ráðið hvað
þér gjörið við það.
Þér höfðuð í bréfi áður frá Khöfn 6. okt. 1866 lof-
að mér frá félaginu þóknun fyrir bréfabókarskræðu,
sem eg sendi félaginu, ef eg léti yður vita hvers eg ósk-
aði. Og er þá innileg bón mín, að þér gjörið svo vel og
útvegið mér ef mögulegt útgáfu yðar af Landnámu 1843
og skal eg bæta ríflega við ef bók sú fengist. En sé það
ómögulegt að Landnáma fáist, þá væri mér þökk á að
fá 3.-9. deildar með registursdeildinni af árbókum
Espólíns. Eitthvað af þeim liggur óselt hjá félaginu, en
það vil eg síður gangi fyrir Landnámu.
Eg hafði með bréfi í fyrra haust sent yður registur
yfir handrit Gísla Konráðssonar, eins og eg lofaði áður,
og óskaði eftir að fá línu frá yður, um hvort það komst
eður ei. En hef (eg) ekki enn fengið neitt svar. Mér
þykir það mjög slæmt hafi það ekki komið til yðar, þó
hef eg að sönnu registur eftir, þá verður að hreinskrifa
það. Enn verra var, að því fylgdi annáll sr. Egils fróða
á Völlum, því fyrir honum hafði eg mikið. Gjörið nú
svo vel og lofið mér að vita með Láru í haust, ef Guð
lofar yður að sjá Island enn, hvort það hefur komist
eður ei, því eg vona að hr. kaupmaður A. Ásgeirsson
verði þá búinn að senda þetta til yðar og væri bezt að
senda bréf það með Torfa á Kleifum, og látið mig þá
um leið vita hvort yður er hugur á að fá reisubók Jóns
Indíafara Ólafssonar, hún er ekki víða til það eg veit, en
þér líklegast hafið þó séð hana.
Mig langar að senda félaginu skýringar yfir örnefni
í Gull-Þórissögu, sem eg er búinn að safna, en hef ekki
haft tíma til að hreinskrifa.*
Eg vildi að forsjónin gæfi yður enn langa lífdaga og
góða, svo þér félluð ekki frá fyrr en stjórnarbótamálið
væri komið úr klóm Dana, eða a. m. k. þér gætu staðið
í einhverju betur sigri hrósandi yfir höfuðsvörðum and-
skota vorra, heldur en nú lítur út fyrir, eða enn er orð-
ið, þó mikið sé aðgjört. En það er bágt að róa einni
ár, þegar óeining og flokkadráttur er innbyrðis á allar
síður, og enginn fastur né einlægur vilji fæst til að fylgja„
nema að hafa yður fyrir skjöld, sem skal taka á móti
öllum vopnalögum ranginda og kúgunar. En hver vill
draga sig í hlé meðan hæst ætti að standa vörn og sókn„
en án efa hafið þér verið valinn til einhverra afdrifa-
meiri (starfa) en enn eru orðin til að gjörast forvígis-
maður hins íslenzka frelsis, þá þarf alls ekki að óttast að
fyrirhöfn yðar verði að lokum ólaunuð, því þér eruð
verkfæri annars enn veraldlegra herra.
Forlátið flýtisklór þetta og fáfengilegan miða ogkveð
eg yður svo með vinsemd og ósk um allrar farsældar £
bráð og lengd.
Yðar heiðarlegheita velunnari og vin,
Sighvatur Grimsson Borgfirðingur“.
Jón til Sighvats:
„Rvík, 10. ágúst 1869.
Háttvirti vin:
Ástsamlega þakka ég yður fyrir yðar góða bréf frá 5.
f. m. og sendinguna, sem kom til mín með skilum núna
nýlega. Ég er nú að reyna að útvega handa yður Land-
námu, en veit ekki hvort það tekst. Takist það ekki, þá
vona ég að geta sent yður það bindi frá Kaupmanna-
höfn.
Bréf yðar það í fyrra, sem þér nefnið, og registur yfir
handrit Gísla, sem og annál sr. Egils á Völlum, hef ég
ekki fengið enn, og mundi hafa verið heldur glaður við
að fá það hvorttveggja. Æthð þér getið eklti spurt upp,
hvernig það hefur verið sent, svo það kannske finnist.
Eða skildi Gísli ekki vilja eða mega selja handrit sín? —
Reisubók Jóns Indíafara höfum við reyndar, en ég vil
gjarnan fá hana ef hún væri fáanleg. Það væri mér líka
kært að fá skýringar yfir örnefnin í Gull-Þórissögu.
Ég sé á yðar góða bréfi, að yður þykir vænt um frelsi
og framför vorra íslendinga, og hafið áhuga á Alþingi.
Það er nú að vísu satt að frelsisvon var af hendi Dana
ekki mikil, en það mun svo lengstum verða, að þeir
* Greinin um örnefnin kom síðar í Safni til sögu íslands.
276 Heima er bezt