Æskan - 01.05.1964, Blaðsíða 17

„Af hverju situr hann á hestinum?“
„Af því að þá er hann miklu fljótari og
þarf ekki að hlaupa sjálfur, og þá verður
hann ekki eins þreyttur.“
„Hleypur þá bara hesturinn?“
„Já, auðvitað.“
„Af hverju gerir hesturinn þetta fyrir
strákinn?“
„Strákurinn hefir tekið hestinn og svo
hefir hann bundið spotta upp í hann.“
„Hvað er spotti?“
„Það er eins og langt og sterkt strá, sem
strákurinn lætur upp í munninn á hestin-
unr. Svo snýr strákurinn upp á spottann,
svo að hann verður fastur í munninum á
hestinum. Það er víst kallað að binda upp
í hestinn.“
„Af hverju bindur hann þennan spotta
upp í hestinn?“
„Það gerir hann til þess að halda í hann
l*ieð hendinni. Og svo kemst strákurinn
uPp á bakið á hestinum, af því að hestur-
inn getur þá ekki hlaupið, af því að strák-
urinn heldur honum alveg föstum.“
„En af hverju hleypur þá hesturinn, þeg-
ar strákurinn er kominn á bakið á honum
og heldur í spottann?“
„Þegar strákurinn er kominn á bakið á
hestinum, heldur hann ekki fast í spottann,
en notar hann bara til þess að stjórna hest-
inum.“
„Hvernig fer strákurinn að stjórna hest-
inum?“
„Þegar hann vill láta hestinn fara til
hægri hliðar, þá togar hann fast í spottann
til hægri, og eins fer hann að, þegar hann
vill láta hestinn fara til vinstri.“
„Togar hann þá líka í spottann til
hægri?“
„Auðvitað ekki, litla lambið mitt. Þá
togar hann náttúrlega í spottann til vinstri.“
„Og þarf veslings hesturinn að hlaupa
með strákinn á bakinu á sér langan tíma?“
„Já, oft verður hann að gera það.“