Afturelding - 01.08.1987, Síða 5

1 götótta tjaldinu í Nvabioto
enda jafnvott inni í tjaldinu sem
úti. Ljósamótorinn var bilaður
svo notast varð við fjósaluktir.
Strax og við Frímann og tengda-
faðir lians birtumst, var efnt til
samkomu, þótt aðkoman væri
ekki góð. Við óminn frá söngn-
um streymdu fleiri að. Við töl-
uðum allir og á eftir komu
nokkrir fram til fyrirbæna og
krupu í votu grasinu. Prátt fyrir
allt var þetta áhrifarík samkoma
og Andi Guðs blessaði. Daginn
eftir var síðasti samkomudagur-
inn á þessum stað og þá voru 28
skírðir, sem var ávöxtur þessara
tjaldsamkoma.
Seinni tjaldsamkoman var
haldin að degi til á stað sem heit-
ir Nyabioto. Tjaldið stóð framan
í hárri hæð og var útsýni fagurt.
Sól skein í heiði og frá tjaldinu
ómaði frísklegur söngur fjölda-
barna og fullorðinna er við kom-
um. Þegar inn í tjaldið kom gaf á
að líta: Á tjalddúknum var gat
við gat í þúsunda tali allt um
kring. Það var líkast því að horfa
upp í stjörnuhimininn. Ekki
furða þótt tjaldið héldi ekki
vatni. Þetta var skemmdarverk
sem óvinir starfsins höfðu unnið
fyrir einum tveim árum, með því
að skvetta geymissýru á tjaldið.
En hinir trúuðu láta þetta ekki
aftra sér og halda samkomur
hvernig sem viðrar. Aðsóknin er
góð þegar þurrt er í veðri, en
dregur að vonum talsvert úr
henni er rignir. Þetta tjald hefur
verið notað stöðugt í 12-14 ár og
er dúkurinn orðinn svo fúinn að
hann rifnar meir og meir.
Frímann hefur yfirumsjón
með tjaldstarfinu á þessu svæði
og hefur hann mikinn hug á að
endurnýja tjaldið, en það kostar
mikið fé.
Þessi tjaldherferð stóð aðeins
í tvær vikur en árangurinn varð
góður, m.a. voru 38 skírðir viku
síðar á þessum stað.
í Kisii-héraði hafa aðeins fáir
söfnuðir eignast kirkjur úr var-
anlegu efni. Sú stærsta er í
Nyamira, en þar hefur einnig
verið reist stórt hús, sem ætlað
er til móta og námskeiða. í Rir-
agi er langt komið með að reisa
kirkju og á döfinni er að reisa
fleiri kirkjur eftir því sem efni og
aðstæður leyfa. Flestir söfnuðir
notast við litlar leirkirkjur með
stráþaki.
Kenya er eitt besta land í Afr-
íku og þar eru opnar víðar dyr og
verkmiklar fyrir fagnaðarerind-
ið, enda eru stjórnvöld hlynnt
kristniboðsstarfinu.
Það var mjög áhugavert og
lærdómsríkt að kynnast kristni-
boðsstarfinu þarna, en auk þess
fékk ég tækifæri til að ferðast
víða. Skoðaði m.a. dýralífið í
þremur þjóðgörðum, fór í
tveggja daga siglingu á Viktoríu-
vatni og kynntist mannlífinu
bæði í bæjum og sveitum lands-
ins.
Daníel Jónasson cr tónmenntakcnnari tif*
kirkjuorganisti í Revkjavík. Auk þcss
ncniur hann sagnfræöi við Háskóla ís-
lands