Muninn - 01.04.1966, Side 23

„Cins og par stendur
Það geisaði hlöðuball á Sal, þegar við Jón
Baldvinsson leituðum afdreps uppi á hana-
bjálkalofti. Notaði ég tækifærið og safnaði
saman skírustu gullkornunum, er hrutu af
munni Jóns handa glysgjörnum vizkufugl-
um Munin. Spjall hans fjallaði að mestu
um skólafélagið Hugin, enda er Jón ný-
sjálfkjörinn formaður þess, eins og kunn-
ugt er.
,,Já, þetta með formennskuna. Það fylg-
ir vandi vegsemd hverri, eins og þar stend-
ur. Ég býst við, að starfið eigi eftir að taka
frá mér talsverðan tíma, ef ég ræki það af
alúð, eins og ég er ákveðinn í. En ég tek
glaður við þeirri byrði í von um, að ég geti
orðið að gagni með því að stuðla að auknu
félagslífi."
„Og þú gefur þá skít í námið?“
„Þvert á móti, því að ég álít, að félags-
starf sé námsgrein, sem er stór liður í þeim
þroska, sem við eigum að öðlast hér í skól-
anum.“
„Ertu ánægður með undanfarið starf
Hugins?“
„Já, mér finnst það hafa verið með allra
bezta móti í vetur, þrátt fyrir þröngan fjár-
hag, og slíkt ber að þakka stjórninni. Ég
þykist vera dómbær á það, þar sem ég á nú
senn sex vetur að baki hér í skóla, en tölum
nú ekki meira um það.“
„Þá kemur stóra spurningin: Hvernig
vilt þú stýra starfsemi félagsins næsta vet-
ur?“
„Það er auðvitað margt, sem gaman væri
að gera. Nú getum við t. d. leyft okkur
meiri íburð í fyrirlesara, og margt fleira
mætti bæta með bættum fjárhag. En að
öðru leyti verður sami grautur í sömu skál.
Við þyrftum þó að koma í framkvæmd hug-
myndinni um kvöldvökur, sem gætu stuðl-
að að aukinni kynningu meðal nemenda.
Ég gæti t. d. hugsað mér, að gangarnir
skiptu þeim á milli sín, og auðvitað tækju
bæjarmenn þátt í þessu líka, því að þátttak-
an verður að vera sem ahnennust. Kvöld-
vökurnar eiga að vera í léttum og skemmti-
legum stíl, þar sem flutt yrði t. d. frumsam-
ið efni eftir nemendur sjálfa. — En annars
er starfsemi félagsins óskipulögð enn þá,
svo að bezt er að segja sem fæst og lofa
engu.“
„Hvað um einstakar deildir Hugins?“
„Ég vona bara, að stjórnir deildanna
verði svo skeleggar í sínu starfi, að stjórn
Hugins þurfi lítið að skipta sér af þeim.
En sérstaklega finnst mér þó að reisa þurfi
Raunvísindadeild upp úr þeim forarpolli,
sem hún hefur sokkið í í vetur.“
„Hvað finnst þér um almennan áhuga
nemenda á félagsmálum?“
„Það er sama vandamálið hér og annars
staðar, að félagsstörfin hlaðast á herðar
fárra manna. En e. t. v. mætti bæta úr þessu
MUNINN 131