Muninn - 01.04.1966, Blaðsíða 39

Aðalfundur Skákfélags M. A. var haldinn 11.
okt. Fundarsókn var með eindæmum léleg, og
voru flestir þeir, sem fundinn sóttu, kjörnir í
stjórn. Það virtist því í fyrstu ekki blása byrlega
fyrir skáklífi í skólanum, ef marka hefði átt af
fundarsókninni, en að minni hyggju hefur betur
úr rætzt en á horfðist.
Starfsemi félagsins hófst með hraðskákmóti,
sem haldið var í ofanverðum októbermánuði.
Keppendur voru 11 að tölu, og urðu þeir Ellert
Kristinsson og Jón Torfason efstir, hlutu báðir
8 vinninga. í þriðja sæti var Kristján Eiríksson,
hlaut 7V2 vinning.
Skákþing M. A. hófst í desember og lauk í
janúar Keppendur voru 11, og er það betri þátt-
taka en oft áður, en efribekkingar sýndu móti
þessu algjört áhugaleysi, og mætti enginn til
leiks úr 5. og 6. bekk. Keppninni var þannig
hagað, að keppt var í tveimur riðlum, en tveir
efstu menn úr hvorum riðli tefldu síðan til
úrslita. Þessir menn voru: Gunnsteinn Stefáns-
son, Jón Gunnar Pálsson, Gunnar Skarphéðins-
son og Skúli Torfason. Eftir að þeir höfðu teflt
saman einfalda umferð, voru Gunnsteinn og
Skúli efstir með 2 vininniga hvor. Tefldu þeir
síðan tveggja skáka einvígi um titilinn, og bar
Skúli hærri hlut frá borði, fékk IV2 vinning.
Skömmu eftir áramót byrjaði hin árlega
keppni stofnana, sem skólinn sendi sveit í að
vanda. Fyrirtækin, sem þátt tóku í keppninni,
voru fimm talsins, og skipaði sveit M. A. 3. sæt-
ið, IV2 v. fyrir neðan KEA og Stefni, og hlýtur
það að teljast allgóður árangur hjá menntskæl-
ingum, þar sem tvær efstu sveitirnar hafa beztu
skákmönnum bæjarins á að skipa.
Bekkjaskákmótið hófst 21. febrúar. Sendi hver
bekkur eina sveit, utan 6. bekkur, sem sendi
tvær. Mótinu lauk með sigri sveitar 4. bekkjar,
sem skipuð var stjórn félagsins, hlaut hún 13 v.
Næsta sæti skipaði A-sveit 6. bekkjar með 8 v.
Bekkjahraðskákmót fór fram 20. marz, og lauk
því einnig með sigri 4. bekkjar með 26V2 v. og
Skákþáttur
A-sveit 6. bekkjar skipaði þar líka annað sætið,
hlaut 18 v. Yfirleitt má segja, að bekkjaskákmót-
ið hafi verið allvel heppnað, þó nokkuð skorti á,
að mæting væri sem skyldi þau kvöld, sem teflt
var.
Starfi Skákfélagsins lauk með hraðskákmóti,
þar sem keppt var um hraðskákmeistaratitil
skólans. Tíu keppendur mættu til leiks og tefldu
tvöfalda umferð. Úrslit urðu þau, að efstir og
jafnir urðu þeir Jón Torfason og Kristján Eiríks-
son með 16 v., en í þriðja sæti var Gunnar Frí-
mannsson með 11 v. Þeir félagar Kristján og Jón
háðu þriggja skáka einvígi, sem Jón sigraði með
tveimur v. gegn einum.
Hér kemur svo að lokum ein fjörleg skák úr
bekkj askákmótinu.
Hvítt: Gísli Magnússon.
Svart: Haraldur Blöndal.
Fjögurra riddara tafl.
1. e4 — e5; 2. Rf3 — Rc6; 3. Rc3 — Rf6; 4. Bb5
— a6; 5. BxR — bxR; 6. Rxe5 — De7; 7. d4! —
Bb7; (undirbýr d6) 8. Bg5 — Db4? (gefur hvít-
um færi á í 9. leik: BxR — gxB (ekki 9: — Dxb2
vegna 10. leiks hvíts: Ra4) 10. Dh5 — De7, og
hvítur fær þar betra tafl). 9. Dd2 — Bd6; 10. BxR
— gxB; 11. Rd3? (slæmur fingurbrjótur, betra
var Rf3) — Dxd4; 12. 0-0 — O-O-O; 13. a3 —
Hh-g8; 14. b4 — f5!; 15. Hf-el — Hd-e8; 16. exf?
— HxH; 17. HxH — c5! (nú standa öll spjót á
hvítum). 18. g3 — Bxg3; 19. hxg3 — Hxg3f
20. Kfl — Hglt; 21. KxH — Dg4|; 22. Kfl —
Bg2f; 23. Kgl — Bf3t; 24. Gefið.
Gunnar Sveinn Skarphéðinsson.
Saga i 3. c:
Þorsteinn Broddason: „Má ég skreppa á
klósettið, kennari?“
Steindór: „Hvað heldurðu drengur? Ekki
ferðu að gera neitt hérna inni.“
MUNINN 147