Muninn - 01.05.1997, Side 114

Emelía 4.X
Ég tel að Menntaskólinn hafi veitt mér góðan undirbúning undir háskóla enda
miðast kennsian við það. Vissar gloppur eru þó í henni og það vantar meira innra eftirlit, án
þess þó að ég ætli að fara nánar út í það hér. Skólinn er hins vegar mjög verndað umhverfi og
verða það eflaust mikil viðbrigði að fara í háskóla þar sem maður getur þess vegna týnst í
kerfinu og þurft að bjarga sér sjálfur.
Andiega hefur maður auðvitað þroskast mikið á þessum árum og hefur skólinn
trúlega haft þar meiri áhrif heldur en maður gerir sér grein fyrir. I skólanum fer oft fram mjög
málefnaleg umræða og sagt er að þetta sé pólítískasti skóli á landinu. Þessi umræða er mjög
af hinu góða og vekur mann til umhugsunar um það hversu nauðsynlegt það er að mynda sér
skoðanir.
Þessi skóli hefur á sér mjög gott orð. En það leiðir af sér að nemendur reyna að
standast þær væntingar sem til þeirra eru gerðar og vilja fyrir alla muni ekki sverta ímynd
hans. Því miður álíta sumir þennan skóia vera snobbaðan og ég tel að þar sé skólayfirvöldum
um að kenna, en að sjálfsögðu viljaþau veg skólans sem mestan. En svona á heildina litið
finnst mér að ég fari héðan með gott vegarnesti út í lífið.
Birgir Rúnar 4. AB
Það hefur margt breyst á þessum fjórum árum mínum í MA. Það er auðvitað erfitt
að hugsa sér aö sá karlmaður sem þessu svarar var eitt sinn sextán ára smátittur sem læddist
skíthræddur með veggjum í fyrrverandi Möðruvallakjallara. En hvað olli þessari
stökkbreytingu?
Fyrsti, annar og þriðji bekkur voru alveg ágætir en allt það besta gerðist eftir
þann tíma. Lítum á dæmi: Cancún-ferðin fræga er án efa það besta sem fyrir mig hefur komið
og er hún mé enn skýr í minni. Sum kvöldin þar eru reyndar óljós í huga mér en ég er viss um
að þau voru frábær.
Þegar heim var komið tók busaögunin við. Hún var erfið en veitti mér mikla
ánægju því það hefur mjög góð áhrif á samviskuna að eiga þátt í heiðarlegri tilraun til að gera
menn úr skítseiðum.
Frá 2. bekk og upp úr hef ég notið þess að læra frönskuslettur sem engir skilja
nema útvaldir máladeildanemar. C'est fou! La fille est dans un sac sur le quai. J'ai un beau
corps. Þetta gefur mér kost á aó móðga fólk án þess að það skilji hvað ég er að fara.
Frönskukennarar MA fá bestu þakkir fyrir.
Ekki má ég gleyma hryllingnum sem gekk yfir minn árgang þegar ákveðið var að
endurskoða mætingakerfið. Þrjú kerfi á fjórum árum! Þessi óákveðni blessaðra yfirmannanna
tók á taugar nemenda því aldrei var neinn viss um hvort stæði til að reka hann sökum
lélegrar tímasóknar eða gefa honum mætingareiningu fyrir afbragðs tímasókn. Ruglingurinn
hefur gert minn árgang að harðsvíruðum skrópurum sem nýta allar smugur til að fá punkta
sína metna leyfilega.
Þetta (og öll fylleríin, partýin og skálaferðirnar) er það sem mér er efst í huga eftir
fjögur ár í MA Skólinn er þroskandi og hefur gefið mér mikið. Ég held að flestir ættu að taka í
sama streng. Þeir sem gera það ekki eru fúlir fallistar.
Sigurður 4.T
Það fyrsta sem mér dettur í hug er ekki námslegi parturinn. Mér dettur fyrst og
fremst félagsskapurinn í hug. Maður er búinn að kynnast fullt af skemmtilegu fólki og gera
margt skemmtilegt. Maður hefur kynnst því á ýmsan hátt en fyrst og fremst í bekknum og eins
í hinu fjölbreytilega félagslífi skólans. Einnig hefur maður lært alveg helling fyrir utan
skipulagða kennslu t.d. í félagsmálum og ýmsum málum þeim skyldum. Svo er náttúrulega
skemmtanaþátturinn og þar koma árshátíðir skólans sterkar til leiks og hafa þær, eins og
Tryggvi segir hvert ár, batnað frá ári til árs. Ekki má heldur gleyma busavikunni sem var alveg
frábær, það er svo gaman að pynta þessi busagrey. Hvað námið varðar hefur maður
náttúrulega lært gommu, þó svo að það hafi verið tekið misföstum tökum og oftar lausum en
föstum (sérstaklega stærðfræðin). Hið geysivinsæla mætingakerfi hefur síðan kennt manni
nauðsynlegan aga og hefur á allan hátt verið góður undirbúningur fyrir lífið (hey, þetta var
grín). Síðan hefur maður náttúrulega kynnst indælum plöntum og ég vil nota tækifærið til
þess að mótmæla illri meðferð á plöntum hérna í skólanum því að þær standa skraufþurrar
og svara manni ekki þegar maður talar við þær á meðan Arnljótur, sem er alltaf blautur,
svarar manni alltaf. Það eina sem ég vonast eftir að fá frá skólanum er svo bara
stúdentsprófið.
114 M
U
N I N N
19 9 7