Iðunn - 01.07.1885, Side 34

28 Helgun dýrlinga.
að taka þá í helgra manna tölu. En hinn heilagi
faðir, sem vill eigi hrapa að svo mikilsverðu máli,
frestar úrskurðinum og skipar almennt bænahald til
þess að öðlast ljós af hæðum. Samt sem áður taka
smiðir og bókbindarar þegar til verka að sníða niður
gylltan pappír og líma innan um Pjeturskirkjuna
til helgunarhátíðarinnar. Eptir tvær nýjar ráðstefn-
ur, hálfopinberar, ákveður páfi loks daginn, er hin
helga athöfn skuli fram fara, og allur lýður fagnar
því, að svo langt er þó komið skilningi hins heilaga
föður—; því útkljáð er samt málið engan vegin enn.
þeir voru 27, sem setjaskyldi í helgra manna tölu
í það sinn, er hjör segir frá, einn Spánverji, Miguelde
Santis, og 26 Japansmenn. De Santis dó á sóttar-
sæng, en á að hafa læknað sjúka margsinnis eptir
dauða siun. Japansmennirnir voru krossfestir allir
í einu árið 1595 og þoldu píslarvættisdauða sinn eins
og hetjur. Atti það sjer einkum stað um þrjá
Jesvireglumenn (Jesúíta) þeirra á meðal, ungmenni
fyrir innan tvítugt, og sem hefðu átt hægt með að
forða lifi sínu, ef þeir hefðu að eins vilja þræta fyrir,
að þeir væru orðnir reglubræður; en þeir »gripu í
þess stað fegins hendi tækifærið til þess að ávinna
sjer píslarvættiskórónuna á svo ungum aldrin. þetta
var nú gott og blessað og harla fagurt; en það var
kirkjunni ekki nóg; hún krefst umfram allt krapta-
verka. Og þau vantaði heldur ekki. Talsmennirnir
nefndu í ræðum sínum jarðskjálpta, flóð, hala-
stjörnu, sem grúfði yfir Japanseyjum með hala sín-
um, þrjá eldstöpla, er færðust frá aftökustaðnum á
nóttum uppi yfir klaustur sjálfra píslarvottanna, og
loks, að mynd hins hoilaga Franz af Assisi hefði