Iðunn : nýr flokkur - 01.04.1926, Page 68

146
Tryggvi Sveinbjörnsson:
ÍÐUNN
(friðarsamningarnir í Trianon) og gekk því í gildi sam-
tímis friðarsamningunum þann 10. janúar 1920.
Meðlimir. í lokabókun sáttmálans eru Bandamenn
og samherjar þeirra taldir fyrstu meðlimir Alþjóðabanda-
lagsins. í lokabókuninni er mælt svo fyrir, að ríki þau,
sem hlutlaus voru, skyldu sækja um upptöku. Flest
hlutlausu ríkjanna sóttu um þetta og gerðust þegar í
upphafi meðlimir; síðan hafa fleiri bæst við. Meðlima-
talan er nú sem stendur 53 eða 54. Meðlimir geta öll
sjálfstæð ríki orðið, sem gefa fullnægjandi tryggingu
fyrir því, að vilji þeirra til að hlýða boðum sáttmálans
sje einlægur, og ef 2/3 atkvæða á ársþingi eru upptök-
unni fylgjandi. Meðlimir geta sagt sig úr bandalaginu
með 2 ára fyrirvara. Sáttmálabrjótum má víkja á brott.
Alþjóðabandalagið skiftist í þessar 3 aðaldeildir: Árs-
þingið, ráðið og hina sístarfandi skrifstofu. Þá koma
2 stærstu undirdeildirnar, hinn sístarfandi alþjóðadóm-
stóll og alþjóðaverkamálaskrifstofan. Auk þess eru ýmsar
»tekniskar« undirdeildir, sem síðar verður getið um.
í sáttmálanum eru engin föst ákvæði um verkahring
ráðsins og ársþingsins hvors fyrir sig. Hvert mál má
leggja fyrir á hvorum stöðunum sem er.
Ársþingið sitja fulltrúar þeirra ríkja, sem eru með-
limir Alþjóðabandalagsins. Ársþingið kemur saman í sept-
ember mánuði ár hvert. Þingtímanum má þó breyta.
Aukafundi má og halda þegar svo ber undir. Hvert
ríki hefir aðeins eitt atkvæði. Fulltrúar ríkjanna á árs-
þinginu hafa oftast varafulltrúa og sjerfræðinga sjer til
aðstoðar. Starf ársþingsins felst aðallega í þessu: það
kýs þá meðlimi ráðsins, sem ekki eiga ótímabundið
sæti í því. Það kýs ásamt ráðinu dómara í dómstólinn.
Það hefir eftirlit með fjárhag bandalagsins og eftirlit
með störfum hinnar sístarfandi skrifstofu, og tekur til