Kirkjuritið - 01.07.1935, Qupperneq 21

Kirkjuritið.
Hinn almenni kirkjufundur.
269
sýna það m. a. þær sterku hreyfingar, er á síðkastið hafa
gengið yfir með ýmsum þjóðum og færast ávalt í aukana. Síðan
heimsófriðnum lauk, hefir öflug vakning gripið fjölda manns,
sem ótrauðir vilja vinna fyrir málefni kristinnar kirkju. Og
þetta má einnig marka af andúð þeirri, sem gripið hefir um
sig á síðasta hálfum öðrum áratug hjá ýmsum þeim, er brjóta
vilja niður gömul vígi, andúð gegn boðskap kristninnar, og
árásum á þjóna hennar; enginn gerir sér mikið far ura.það, sem
hann telur lítils vert.
II.
Menn getur greint á í kirkjumálum og um tilhögun þeirra.
En kirkjur vilja allir trúaðir menn hafa, er fullnægjandi séu til
guðsdýrkunar. Og kristnir menn elska að vonum kirkjur sínar;
þeir vilja ekki missa þær, heldur ávalt endurbæta þær og fuli-
komna. Hin eðlilega þróun er þar sjálfsögð, en engin gerbylt-
ing, livort sem er í sameiningu eða aðskilnaði. Og þróunin er
þessi: Eftir ýmsu viðhorfi trúmálanna gera menn meiri eða
minni kröfur til kirkna og presta, en vilja undir öllum kring-
umstæðum halda i hvorttveggja að vissu marki; kirkjur verð^
að vera svo þétt settar, að alinenningur eigi sæmilega auðvell
um að sækja þær, og prestar það margir, að þeir komist yfir
embættisverk og sálusorgun á þann veg, að hvert einasta manns-
barn geti haft þeirra full not. Aðstaðan getur breyzt með bætt-
um samgöngum t. d., sem i heildinni á að verða til þess, að
fólkið eigi þeim mun hægra með að ná til kirkju og á fund
prests, eða hann til þess, sem er það sama; en það má aldrei
verða til hins, að þessum aðiljum sé gert erfiðara fyrir en áður
var. Því að tilgangurinn á ætið að vera: Að auka trúræknina
með þjóðinni og áhugann fyrir trúmáluin í landinu.
Ýmsir fullyrða nú reyndar, að útvarpið með útvarpsguðs-
þjónusturnar geti að einhverju eða jafnvel miklu leyti komið i
stað kirkna og presta. En þetta er ekki á réttum rökum bygt.
Útvarpsmessur eru góðar, það sem þær ná, en markmið þeirra
getur ekki verið það að gera prestana óþarfa úti um héruð
landsins; þeir hafa sitt hlutverk og áríðandi starf eins fyrir
þetta. Útvarpið á að aðstoða prestana og efla kirkjusóknina,
með því að koma trúræknisiðkunum viðar út á meðal fjöldans
en annars myndi kostur — og þetta hefir þegar tekist að
nokkiu; en í stað hinna reglulegu guðsþjónustna geta útvarpaðar
messur ekki komið.
III.
Skipun prestakalla hefir hér á landi hlitl ævagömlu fyrir-