Kirkjuritið - 01.03.1940, Qupperneq 24

102
Jcm Þorvarðsson:
Márz.
voru aðeins dæmi. Fjársafnanir þessar fara fram um alt
land, venjulega við guðsþjónustur i kirkjunum og að því,
er mér skilst, vissa daga, sem ákveðnir eru með konungs-
tiLskipun, sami dagur fyrir alt landið.
En nú mætti spyrja: Er þetta ekki andlaust skipulags-
bákn, sem litlu fær til vegar komið til eflingar hreinu,
þróttmiklu trúarlifi? Nei, starfsmenn stofnunarinnar hafa
margir verið miklir trúmenn, brennandi i andanum, og
áhrifamenn, bæði í sókn og í vörn. Og engum mundi nú
detta í hug, að hægt væri að vera án þessarar stofnunar,
nema til tjóns fyrir kirkju og kristni í Svíþjóð.
Liggur þá næst fyrir að athuga þetta: Kemur þessi
stofnun okkur Islendingum nokkuð við? Getum við nokk-
uð af henni lært? Ég segi já. Að vísu er mér það vel ljóst,
að þótt eitthvað reynist vel erlendis hjá miljónaþjóðum
og við ólíka staðhætti, getur vel verið, að það eigi engan-
veginn við hér í fámenninu. En á þessum sviðum sem öðr-
um verðum við íslendingar að reyna að notfæra okkur
rejTislu annara þjóða og halda því og nota það, sem lík-
legt er að hér eigi við og til heilla megi verða hér.
Nú vill svo til, að við höfum stofnun, sem að nokkuru
leyti er algerlega hliðstæð við Diakonistyrelsen í Svíþjóð.
Sú stofnun er kirkjuráð hinnar ísl. þjóðkirkju. Sá er að
vísu munurinn, að kirkjuráðið hefir allmiklu meira vald
en Diakonistyrelsen. Á ég þar einkum við það ákvæði lag-
anna, að kirkjuráðið hefir samþyktarákvæði og ákvörð-
unarrétt um guðsþjónustur kirkjunnar, veitingu sakra-
menta og kirkjulegar athafnir og helgisiði. (Þarf að
vísu samþykki Synodusar). Þau mál hefir Diakonistyrels-
en ekkert með að gera. Að öðru leyti virðist mér kirkju-
ráðið vera alveg samskonar stofnun og DiakonistjTelsen
í Svíþjóð (sbr. 2. gr. b). Og nú kemur mér til liugar, að
kirkjuráðsins bíði það hlutverk að taka upp að einhverju
leyti suma af þeim starfsháttum, sem Diakonistyrelsen
hefir með höndum, að sjálfsögðu í mjög smækkaðri mynd,
og notfæra sér að einhverju levti starfsaðferðir þessarar