Kirkjuritið - 01.12.1949, Page 111

GAMLA TESTAMENTIS HANDRIT
361
bók, sem menn þekktu ekki áður, og hefir verið nefnd Stríð
Ijóssins barna við börn myrkursins. Þá voru sálmabók, helgi-
siðabók fyrir sértrúarflokk Gyðinga, sem menn vissu ekki um
áður, Enoksbók og síðasti bókarhluti Jesaja. En um aldur
handritanna greindi fræðimennina á. Töldu sumir þau ekki
geta verið eldri en frá 12. öld. e. Kr., en aðrir, að þau væru
mjög forn, þótt óvíst væri, hvort þau væru skrifuð fyrir eða
eftir Krists burð.
Rannsóknirnar á hellinum skáru nú úr um þetta. Þrátt
fyrir ýmsa erfiðleika urðu þær mjög nákvæmar. Allur hellir-
inn var hreinsaður innan með fingrunum eða pennahnífum.
Fundust þá mörg hundruð slitur af handritum eða tætlur.
Á sumum var aðeins einn stafur, en á öðrum nokkrar máls-
greinar. Er nú verið að reyna að raða þessum sneplum saman
í vinnustofu í British Museum, þannig að fáist samfellt les-
mál. Er það hin mesta eljanraun, ekki sízt fyrir það, hve fast
bókfellsblöðin hafa límzt saman.
Auk handritanna hefir fundizt allmikið af dúkum, sennilega
líndúkum. Ennfremur hefir kerabrotunum verið safnað saman.
Hefir þá komið í ljós við nákvæma athugun, að brotizt hefir
verið inn í hellinn áður og mörgu spillt á rómverska tíma-
bilinu, enda segir Órigenes kirkjufaðir frá því, að á stjórnar-
árum Caracalla, um 217 e. Kr., hafi fundizt roðlar af Gamla
testamentis ritum vafðir í lín og varðveittir í kerum í grennd
við Jeríkó.
Kerin hafa upphaflega verið a. m. k. 40 að tölu og hvert
um 60 sentimetrar á hæð, en 25 í þvermál. Hefir verið hægt
að geyma 5 eða 6 roðla í hverju, svo að alls má gjöra ráð
fyrir, að þeir hafi ekki verið færri en 200 í hellinum. Skálar
eða lok hafi verið fest yfir kerin með líni og roðlarnir hver
og einn vafðir í líni til þess að verja þá fyrir skordýrum og
áhrifum loftsins.
Kerin, lokin og tveir lampar eru frá hellenska tímabilinu,
á ofanverðri 2. öld f. Kr. En brot úr 2 lömpum og suðupottur
eru frá rómverska tímabilinu, þeim tíma, er brotizt var inn
í hellinn. Þannig mun það allt, sem upphaflega var fólgið i
hellinum, vera frá einu og sama tímabili, bókfellið eitthvað
eldra en umbúðirnar. Hefir því verið komið undan þangað
á óeirðartímum, öld Makkabeanna.