Kirkjuritið - 01.12.1949, Blaðsíða 112

362
KIRKJURITIÐ
Allir roðlarnir og flest slitrin eru skrifuð ferningsletri,
sem svipar allmikið til hebresks leturs eins og það er nú.
En nokkur slitur eru þó skráð eldra letri. Roðlarnir, sem þau
eru úr, hljóta því að hafa verið ritaðir á 4. eða 3. öld f. Kr.
Má sjá, að 3. Mós. hefir verið skráð á þeim tímum. Ritbrotin
úr Gamla testamentinu eru úr 1., 3. og 5. Mósebók, Dómara-
bókinni og Daníelsbók. (G. R. Driver í Oxford telur þó hand-
ritin miklu yngri, jafnvel frá 5. eða 6. öld e. Kr.).
Gildi þessa fornleifafundar fyrir Gamla testamentis rann-
sóknirnar verða seint fullmetið. Og varðar þá allra mestu um
það, að hafa fengið spádómsbók Jesaja á hebresku í heilu lagi
í handriti frá 2. öld f. Kr. En elzta handrit af spámannaritunum
áður, sem unnt var að árfæra nákvæmlega, var frá 916 e. Kr.,
og hafa margar villur slæðzt inn í texta þess. Elztu handrit
af grískum þýðingum á Gamla testamentinu eru þó miklu eldri,
eða frá 5. öld e. Kr., og hefir mátt leiðrétta með aðstoð þeirra
ýmsar villur í hebreska textanum. Þegar á 1. öld e. Kr. tóku
Gyðingar að samræma texta Gamla testamentisins og reyndu
síðar að reisa ranimar skorður til tryggingar því, að einn og
sami texti gengi óbreyttur að erfðum öld eftir öld. Er hér
nú fundinn eldri texti en erfðatextinn á ýmsum ritum Gamla
testamentisins, og hljóta vísindamenn að taka hið mesta til-
lit til þess á komandi tímum og leitast við að hafa það í hví-
vetna, er sannast reynist.
Því miður hefir ekki verið í fyrstu gætt nægrar varúðar
við þennan fornleifafund. En úr því verður reynt að bæta eftir
föngum. Munu vísindamenn mörg næstu ár vinna úr því, sem
fundizt hefir, og endurskoða á ný erfðatexta Gyðinga. Má
vænta þess, að yfir margt verði brugðið nýju ljósi.
Um Jesaja handritið forna má sérstaklega geta þess, að það
mun fremur auka en rýra gildi erfðatextans. Nýjasta Biblíu-
þýðing vor á ritinu, sem gjörð var eftir honum, stendur því
vísast traustum rótum. En allt verður að kanna á ný vandlega
miðað við handrit þetta, og mun það leiða til fyllra og öruggara
skilnings á einhverju allra dýrmætasta trúarriti og spekiriti
heimsins fyrir daga Jesú Krists. Já, ef til vill fáum við að
vita nákvæmlega, — orð fyrir orð — hvernig textinn hefir
hljóðað, sem Jesús valdi sér í samkunduhúsinu í Nazaret, er
honum var fengin bók Jesaja spámanns, og hann fletti sundur