Kirkjuritið - 01.10.1958, Blaðsíða 11

Kirkjuritið - 01.10.1958, Blaðsíða 11
* PISTLAR * Kirkjan og blöðin. Á móti blaðamanna og presta í Árósum í vor hélt Helge Jensen ritstjóri erindi, sem hér verður að nokkru rakið efnis- lega. Bæði kirkjan og blöðin keppa eftir áheyrn og fylgi almenn- ings og ættu, ef allt er með felldu, að styðja hvort annað í „kristnu" landi. Frjáls blöð í frjálsu landi vilja vera sem bezt- ur spegill alls þjóðlífsins á hverjum tíma. Þess vegna er það í þeirra þágu, að ljá kirkjunni rúm í dálkum sinum, ef hún hefir eitthvað að segja, og eitthvað gert, sem almenning varð- ar og hann vill gjarnan vita. Reyndin er sú, að þessa gætir minna í blöðunum en ætla mætti. Flest hafa að vísu ein- hverja kirkjulega dálka á sunnudögum, en þeir eru ekki al- mennt lesnir, og blöðin sækja ekki mikið á kirkjuna, að leggja sér til efni. Þetta er ekki sakir málefnisins, heldur niálsmeðferðarinnar. Flestir prestar birta útdrátt úr prédik- unum sínum, og skrifa allar fréttir í skýrsluformi. Og þetta er kórvilla. Ágæt prédikun, sem hrífur marga áheyrendur á sínum stað og stundu, á ekkert erindi í blöðin. Þar er hún eins og steinn, sem kastað er í vatn. Hvað gott og tímabært sem efnið er, krefst það hæfilegs bvmings, eigi almennur blaðalesandi að gefa því gaum. Stíllinn, efnismeðferðin, er höfuðþraut og list blaðamannsins. Hann skiptir oft meiru, hvernig eitthvað er sagt, heldur en hitt, hvað sagt er. Kirkj- unnar menn leggj.a með réttu aðalaherzluna á boðskapinn, en það leysir þá ekki úr þeim vanda að flytja hann með rétt- um hætti, ef hann á að hafa nokkurn framgang. Almenn hug- tök eins og trú og vantrú, synd og réttlæti, hjálpræði og glöt- un, verða alþýðu manna óskiljanleg og einskisverð, hvað oft sem þau eru endurtekin, ef þau eru ekki skýrð með lifandi dæmum. Og það er miklu vænlegra til árangurs að skrifa á

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.