Kirkjuritið - 01.10.1958, Page 25

Nokkrar sagnir um Saurbœjarpresta
„Hver einn bær á sína sögu,
sigurljóS og raunabögu.“
Þar sem ýmsar sagnir eru til um séra Hallgrim Pétursson á prenti
og því ýmsum kunnar, sleppi ég að geta þeirra hér, enda sumar þjóð-
sagnakenndar.
Er séra Hallgrímur var orðinn sjúkur, tók hann aðstoðarprest, Torfa
Jónsson að nafni, en hann andaðist eftir 1 ár, vorið 1668, 45 ára að aldri.
Var hann sonur séra Jóns Böðvarssonar i Reykholti, en hafði áður í 5 ár
verið kennari við Skálholtsskóla.
Næsti prestur í Saurbæ var Hannes Bjömsson, er kom þangað árið
1668. Var hann fyrsta árið aðstoðarprestur séra Hallgrims, er lét af emb-
ætti árið 1669 vegna veikinda. Var séra Hannes prestur i Saurbæ í 29 ár.
Sleppti brauðinu við son sinn árið 1697 og dó þar 1704, 73 ára að aldri.
Sonur séra Hannesar og eftirmaður var Torfi Hannesson. Kom þangað
sem prestur 1692 og var i 5 ár aðstoðarprestur föður síns. Var alls prest-
ur í Saurbæ í 36 ár. Drukknaði í Leirá 8. febr. 1728, 58 ára að aldri.
Kona hans hét Elin Jónsdóttir, prests á Staðarhrauni Guðmundssonar.
Þeir feðgar munu hafa verið efnamenn, að minnsta kosti er séra Hannes
talinn „vel efnaður maður, stórhuga og frændríkur". Hafa þeir feðgar
þannig haldið staðinn eða prestakallið í 60 ár.
Kjórði prestur frá séra Hallgrími var séra Þorvarður Auðunsson. Kom
til staðarins árið 1729 og var þar í 46 ár. Faðir hans var Auðun, prestur
á Borg á Mýrum (d. 1707) Benediktsson, prests á Hesti (d. 1724) Péturs-
sonar, Teitssonar prests í Lundi, Péturssonar. Móðir séra Auðuns var
Þóra Þorvarðardóttir í Bæ, Magnússonar á Suður-Reykjum, Þorvarðs-
sonar sama staðar Þórólfssonar, Eyjólfssonar á Hjalla i ölfusi Jónssonar.
Séra Þorvarður var nokkra hríð heyrari (kennari) í Skálholtsskóla,
vigðist 1729 prestur til Saurbæjar á Hvalfjarðarströnd og andaðist þar
l.mai 1775, 70 ára. Aðstoðarprestur hans siðasta árið var Bjöm Þorgríms-
son, er síðast var prestur að Setbergi i Eyrarsveit. Séra Þorvarður var
tvíkvæntur, og var fyrri kona hans Sigríður Magnúsdóttir Sigurðssonar,
en siðari kona hans var Valgerður Pálsdóttir, systir Gunnars prófasts í
Hjarðarholti og Bjarna landlæknis, og átti hann engin börn með þeim.