Kirkjuritið - 01.11.1960, Page 48

430
KIRKJURITIÐ
AÖalfundur ÆslculýÖssambands kirkjunnar í Hólastifti var hald-
inn að Grenjaðarstað sunudaginn 18. sept. s. 1. Hófst hann með messu-
gjörðum. Að Grenjaðarstað messuðu þeir séra Sigurður Haukur Guð-
jónsson, séra Ingimar Ingimarsson og séra Sigurður Guðmundsosn.
1 Neskirkju í Aðaldal séra Pétur Sigurgeirsson og séra Bjartmar
Kristjánsson, en í Einarsstaðakirkju í Reykjadal séra Pétur Ingjalds-
son og séra Birgir Snæbjörnsson.
Kl. 5 síðdegis var aðalfundurinn settur með ávarpsorðum séra Sig-
urðar Guðmundssonar. Síðan flutti formaður Sambandsins skýrslu
stjórnarinnar. Á vegum Æ.S.K. var haldið foringjanámskeið með 31
þátttakanda. Námskeiðið var haldið 29.—30. nóv. s. d. — Fermingar-
mót var haldið að Laugum i Reykjadal og á Blönduósi s. 1. vor. —
Sumarbúðir voru á Löngumýri í Skagafirði, og í sambandi við það
æskulýðsmót fyrir eldri unglinga á félagssvæðinu. 1 útvegun er kvik-
mynd til sýningar á vegum Æ.S.K. — Æskulýðsdagurinn var haldinn
hátíðlegur með guðsþjónustum víða um landið.
Valdimar Snævarr sálmaskáld sendi fundinum erindi um sönginn
í æskulýðsfélögunum. Erindið flutti séra Sigurður H. Guðjónsson.
Samþykkt var tiilaga þess efnis, að út kæmi á þessum vetri söngbók
æskulýðsstarfsins ásamt nótnahefti með söng- og sálmalögum, sem
ekki eru í sálmasöngsbókum kirkjunnar, en verða í söngbók æsku-
lýðsstarísins.
Þá var rætt um sumarbúðir og mót. Kosnar voru nefndir, bæði
fyrir vestur- og austursvæðið. Lög sambandsins voru athuguð. Stjórn
Sambandsins var endurkosin, en auk þess skipað í varastjórn.
Síðar um kvöldið flutti séra Sigurður Guðmundsson snjallt erindi
um för sina til útlanda í sumar, en Tryggvi Finnsson á Húsavík
sýndi litskuggamyndir frá mótinu í Lausanne.
Síðan var gengið til kirkju og tók prófastur séra Friðrik A. Frið-
riksson fundarmenn til altaris. Formaður Sambandsins, séra Pétur
Sigurgeirsson, sleit síðan fundinum með nokkrum lokaorðum.
Prestshjónin á Grenjaðarstað, séra Sigurður Guðmundsson og fi'11
Aðalbjörg Halldórsdóttir, veittu mönnum rausnarlega meðan á fund-
inum stóð.
Boð kom frá séra Ragnari Fjalar Lárussyni á Siglufirði þess efn-
is, að næsti aðalfundur Æ.S.K. yrði haldinn þar.
(Útdráttur úr fundargerðabók).
Kristilegt œskulýösmót aö Löngumýri.
Undanfarin sumur hefur verið rekið sumarbúðarstarf að Löngu-
mýri í Skagafirði á vegum þjóðkirkjunnar, og svo er enn í sumar.
Forstöðukona húsmæðraskólan og eigandi Löngumýrar, fröken
Ingibjörg Jóhannsdóttir, hefur sýnt mikinn áhuga á að gera kleift
að reka slíkt starf. Hún hefur lánað skólann fyrir lítið gjald og allt-
af verið boðin og búin til að greiða fyrir starfinu sem mest og bezt.
Áhugamál hennar er, að kristilegt starf sé rekið að Löngumýri. Hún
hefur fórnað miklu til að slíkt hafi verið hægt. Og á kirkjan fröken
Ingibjörgu mikið að þakka fyrir hennar óeigingjarna starf.