Sjómannadagsblaðið - 04.06.1961, Side 20

Forseti íslands og biskup íslands ásamt
frúm voru viðstaddir frumsýningu í
Laugarássbíói, ásamt fjölda annarra
mætra gesta, eins og sjá má af meðfylgj-
andi myndum. Henry Hálfdánarson bauð
gesti velkomna og flutti vígsluræðu. A
efstu mynd næstu síðu má sjá nausta-
stcininn og greinilegt slit í honum miðj-
um eftir kjalför aldalangrar sjósóknar.
Vígsluhátíð
Þann 17. maí 1960 var hið nýja
samkomuhús Sjómannadagssamtaka
Reykjavíkur og Hafnarfjarðar form-
lega tekið í notkun, og var við það
tækifæri boðið til vígsluhátíðar og
frumsýningar, ýmsum aðilum er á
einn eða annan hátt höfðu stutt að
framgangi þessarar byggingafram-
kvæmda, ásamt forsvarsmönnum
borgar og ríkis.
Henry Hálfdánsson þáv. form.
Sjómannadagsráðs stýrði vígsluhá-
tíðinni og ávarpaði gesti í upphafi
frumsýningar, fer hér á eftir megin-
kjarni úr ræðu hans við þetta tæk-
færi.:
Þetta samkomuhús og Laugaráss-
bíó, sem í því verður starfrækt, til
heyrir Dvalarheimili aldraðra sjó-
manna eins og önnur þau mannvirki
og fyrirtæki, sem reist verða og rek-
in á þessari lóð, sem bæjarstjórn
Reykjavíkur hefur úthlutað sam-
tökum vorum.
Þegar Sjómannadagsráð hófst
handa um byggingarframkvæmdir
hér í Laugarássnum fyrir 8 árum
síðan, öfunduðu okkur fáir af bygg-
ingasvæðinu sem okkur var úthlut-
að né þeim byggingarátökum sem við
áttum framundan. Því nær hvergi
í landi Reykjavíkur var að finna
aðra eins stórgrýtisurð og nærri óyf-
irstíganlega fjárhagslega örðugleika
til byggingaframkvæmda. Enda hafa
sprengingar og grjótruðningur þegar
kostað okkur milljónir króna. Samt
myndum við nú ekki vilja skifta um
stað við nokkurn annan aðila, því
dýrðlegra útsýni en hér er, finnst
vart á byggðu bóli.
Til endurgjalds heitum við því að
fegra staðinn eftir beztu getu svo
allir bæjarbúar hafi ánægju af því
að koma hingað, hvort sem verður
til stuttrar heimsóknar eða langdval-
ar, og hvort sem gesturinn er ungur
eða gamall. Við eigum nú eftir óupp-
fyllta eina ósk, varðandi umhverfið,
sem Sjómannadagsráðið leyfir sér að
beina til stjórnarvaldanna, og það er,
að minnismerki Leifs heppna, sem
ákveðið hefur verið að flytja, verði
flutt á Leifshöfða, klöppina hér fyrir
4 SJÓMANNADAGSBLAÐIÐ