Sjómannadagsblaðið - 01.06.1985, Síða 64

Stækkun á
Laugarásbíói
Á annan páskadag voru opnaðir
tveir nýir salir við Laugarásbíó, salur
B með 120 sætum og salur C með 80
sætum til viðbótar við sal A, sem tek-
ur429 manns í sæti.
Jarðvegsframkvæmdir við þessa
stækkun hófust 7. september 1984
eða fyrir réttum 7 mánuðum. Sökklar
voru steyptir þann 9. nóvember, eða
fyrir 5 mánuðum.
Arkitekt að húsinu er Halldór
Guðmundsson, en verkfræðistofa
Stefáns Ólafssonar sá um verkfræði-
lega hlið byggingarinnar. Verktaki
við jarðvinnu var Hagvirki h.f., en
verktakar við bygginguna eru Ham-
arinn h.f., Pétur Jökull Hákonarson
og Hallgrímur Guðmundsson.
Verkið hefurgengið frábærlega vel
eins og sést á mjög stuttum bygging-
artíma.
Lánsfjárhefur verið aflað hjá við-
skiptabönkum sjómannadagssamtak-
anna og Laugarásbíós, Landsbanka
íslands, Iðnaðarbanka íslands og
Sparisjóðs vélstjóra. Mest allur
tæknibúnaður í sýningaklefa er feng-
inn frá Dansk biograf teknik í Kaup-
mannahöfn, sáu þeireinnig um upp-
setningu tækjanna ásamt eftirlits-
manni með sýningatækjum Gunnari
Þorvarðssyni, rafverktaka og sýning-
armönnum hússins. Tækin eru öll af
fullkomnustu gerð og er óhætt að
segja að sýningarklefi Laugarásbíós
verði sá fullkomnasti á landinu. Þá
verður Dolby-hljómburðartæki í sal
A og B, einnig hafa verið settir nýir
hátalarar af fullkomnustu gerð í sal
A.
Mörgum finnst undarlegt að við
skulum ráðast í þessa framkvæmd
núna þegar myndbönd eru svo vinsæl
sem raun ber vitni. Laugarásbíó bar
gæfu til að fylgjast með þeirri þróun
og hefur ásamt Háskólabíó sölu- og
framleiðsluleyfi á myndum frá
Universal og Paramount í gegnum
CIC video.
Það hefur farið mjög í vöxt að allar
betri myndir eru seldar hingað á
prósentukjörum, en þá fær erlendi
aðilinn hluta af hverjum seldum
miða. Það segir sig sjálft að til þess að
geta nýtt myndirnar til hins ýtrasta
þarf að hafa fleiri en einn sal. Þessra
framkvæmdir eru einfaldlega til þess
að geta tekið þátt í leiknum áfram.
Laugarásbíó verður 25 ára á þessu
vori. Þegar það var opnað var öll
tækni og aðbúnaður gesta sá besti
sem völ var á og nú á þessum tíma-
mótum teljum við að Laugarásbíó sé
enn komið í fararbrodd.
SAMÁBYRGÐ ISLANDS Á FISKISKIPUM
SiMi 81400 SÍMNEFNI SAMÁBYRQÐ LAGMULA 9
Samábyrgðin tekst á hendur eftirfarandi:
Fyrir útgerðarmenn:
Skipatryggingar
Ábyrgðartryggingar útgerðarmanna
Slysatryggingar sjómanna
Farangurstryggingar skipshafna
Afla- og veiðarfæratryggingar
Endurtryggingar fiskiskipa undir 100 rúmlestum
Rekstur Aldurslagasjóðs fiskiskipa
Fyrir skipasmíðastöðvar:
Ábyrgðartryggingar vegna skipaviðgerða Nýbygginga-tryggingar
Skrifstofa Samábyrgðarinnar og eftirtaldir umboðsmenn vorir veita allar nauðsyn-
legar upplýsingar varðandi tryggingar þessar og taka á móti tryggingarbeiðnum.
Vélbátaábyrgðarfélagið Grótta, Reykjavík
Bátatrygging Breiðafjarðar, Stykkishólmi
Vélbátaábyrgðarfélag ísfirðinga, ísafirði
Vélbátatrygging Eyjafjarðar, Akureyri
Skipatrygging Austfjarða, Höfn, Hornafirði
Vélbátatrygging Reykjaness, Keflavík.
64 SJÓMANNADAGSBLAÐIÐ