Sjómannadagsblaðið - 01.06.1990, Side 112

110
SJÓMANNADAGSBLAÐIÐ
Hjalteyrin EA 310.
Oddeyri EA 210.
Þarna hefur eitthvert skipið verið að koma og forstjórinn puntað sig. Hjá honum er
Viihelm og kona hans Anna. Þeir hafa sjálfsagt margt um að tala frændurnir, Vilhelm
búinn að vera togaraforstjóri í aldarfjórðung.
Þrátt fyrir mikinn fjármagnskostn-
að varð hagnaður af rekstrinum strax
fyrsta árið. Gangurinn svo verið
þessi, að um mitt ár kaupir Samherji
h.f. tæpan helming í Hvaleyri hf. í
Hafnarfirði, sem stofnað var uppúr
Bæjarútgerð Hafnarfjarðar. Þar er
rekin fiskvinnsla og útgerð togarans
Víðis. í lok þessa sama árs, 1985,
keypti Samherji togarann Helga S.
frá Keflavík, skipti síðan á honum og
togaranum Maí, sem Hvaleyri átti og
þeim togara var breytt í fullkominn
frystitogara, og var það gert í Noregi,
en það skip komst ekki til veiða fyrr
en í byrjun árs 1987, og varð breyt-
ingin kostnaðarsöm, lagði sig á
þriðja hundrað milljónir á virði síð-
astliðins árs.
Það varð að ráði, vegna atvinnu-
ástands á Akureyri, að skipið yrði
gert út á Akureyri og lagði Akureyr-
arbær þá fram 40% hlutafjár Kristján
Jónsson & Co. 30% og þeir Sam-
herjamenn eiga þá 30% í því skipi.
Togarinn var skírður upp og heitir nú
Oddeyrin, og hlutafélagið Oddeyrin
hf. Það skip hefur verið gert út á
rækju, en einnig keyptur til skipsins
þorskkvóti, tveir bátar með kvóta
keyptir og þeim síðan lagt.
Togarann Þorstein keyptu Sam-
herjamenn í september 1987, en
hann ónýttist í ís og bíður þess að
seljast í brotajárn. Þegar þetta varð
um Þorstein lögðu Samherjamenn
drög að smíði togara á Spáni, sem á
að verða tilbúinn 1991.
Enn vantaði Samherjamenn kvóta
skip og þeir keyptu á árinu 1988 fjóra
báta, og þrír fóru í úreldingu, en einn
seldur aftur kvótalaus. í apríl 1989
keyptu Samherjar enn einn togara
Álftafell frá Stöðvarfirði, en seldu
það skip og afhenda það á þessu ári.
Þetta skip skýrðu þeir Hjalteyri. í
ágúst keyptu Samherjamenn togar-
ann Arinbjörn frá Reykjavík og
skírðu hann Hjalteyrina I, en togar-
inn sem beið afhendingar varð Hjalt-
eyrin II.
Þá er reksturinn þessi í árslok
1989:
Akureyrin, Hjalteyrin I og Hjalt-
eyrin II, Oddeyrin (með 30% eign)
og síðan er áðurnefnt nær helmings
hlutdeild að fiskvinnslu og togara-