Sjómannadagsblaðið - 01.06.1994, Síða 87

SJÓMANNADAGSBLAÐIÐ
85
Og hvað varð svo um þessi skip?
Sonja Mærsk náðist fljótlega af
strandstað og var farið með skipið að
bryggju í Reykjavíkurhöfn, þar sem
gert var við það til bráðabirgða. Með
ólíkindum þótti hve skemmdir á botni
þess urðu litlar.
Öðru máli gegndi um Ourem. Is-
lendingar keyptu það á strandstað og
reyndist miklum erfiðleikum bundið
að létta skipið og fleyta því af strand-
stað. Meginhluti farmsins reyndist
sement er sjór hafði komist í og það
því harðnað og orðið að massívri
hellu. Það var ekki fyrr en réttu ári
eftir strandið að Markúsi Ivarssyni í
Héðni tókst að ná því á flot. Var það
tekið til gagngerðrar viðgerðar sem
lokið var í ársbyrjun 1943. Skipinu
var þá gefið nafnið Hrímfaxi GK-2,
kallmerki TFPB, og heimahöfn þess
Hafnarfjörður. I fyrstu sigldi skipið
með ísvarinn fisk til Englands.
Eftir árás þýskrar flugvélar á strand-
ferðaskipið Súðina 16. júní það ár á
Grímseyjarsundi, var Hrímfaxi leigð-
ur Skipaútgerð ríkisins til strandsigl-
inga. Hinn 22. desember strandaði
skipið skammt frá Raufarhöfn á leið
til Þórshafnar. Losnaði skipið af
sjálfsdáðum og leitaði hafnar. Hafði
það laskast töluvert, leki komist að
því og bæði stýri og skrúfa skemmst.
Eftir að viðgerð fór fram var skipið
áfram í vöruflutningum bæði innan-
lands og til útlanda. Frá því um haust-
ið 1946 til vordaga 1947 var skipið í
síldarflutningum frá Reykjavík til
Siglufjarðar (Hvalfjarðarsíldin). Að
þeim flutningum loknum var skipinu
lagt.
I október 1950 urðu eigendaskipti
að skipinu sem nú hlaut nafnið Auð-
humla og skráð sem vöruflutninga-
skip og í ferðum milli íslands og Evr-
ópuhafna. í mars 1952 var skipið selt
til Indlands og afhent hinum nýju eig-
endum í Colombo á Ceylon og sigldi
það þangað undir íslenskum fána.
Skipið var gufuskip, smíðað í Midd-
lesborough á Englandi 1918, 641
brt.lestir að stærð.
M/S Eldey RE-160-TFAL
strandar við Skotland
Snemma árs 1940 var keypt hingað til
lands frá Noregi M/S Röksund, 106
tonna eikarskip smíðað í Fécamp á
Frakklandi 1928 með 160 ha. Polar
dieselvél sem sett var í skipið 1934.
Skipið hlaut nafnið Eldey RE-160
eign samnefnds hlutafélags og voru
þar í forsvari Ingvar Vilhjálmsson
skipstjóri og bræðurnir Tryggvi og
Þórður Ólafssynir í Reykjavík.
Skv. skipshafnarskrá var í fyrsta
sinn skráð á skipið hérlendis 7. mars
sama ár til fiskflutninga. Um sumarið
er skipið á síldveiðum, en að þeirri
vertíð lokinni í september er skipið í
förum með ísaðan fisk til Englands. í
desember er afskráð og skipið tekið í
slipp til gagngerðra viðgerða, aðal-
lega á þilfari.
Hinn 10. febrúar 1941 er skráð á
skipið að nýju og enn til fiskflutninga.
Fiski er safnað á ýmsum höfnum sem
ísaður er í kassa og síðan látið úr höfn
áleiðis til Fleetwood og gekk ferðin
þangað áfallalaust.
Aðfaranótt 28. febrúar er skipið á
heimleið eftir að hafa selt farminn.
Leiði er gott norður írska hafið. Vind-
ur er hvass af suðri, dimmviðri og
rigningarsúld. Þess ber að gæta að á
stríðstímum er slökkt á ljósvitum og
ljósmagn baujanna á siglingaleið tak-
markað.
Skömmu eftir miðnætti kennir skip-
ið grunns og strandar undan Burrow
Head (ekki Barra Head á Suðureyj-
um) norður af Isle of Man, um 20 sjm.
fyrir austan Mull of Golloway á vest-
urströnd Skotlands. Skipið skorðast á
milli tveggja hárra kletta. Neyðarblys-
um er þegar skotið á loft. Innan tíðar
eru björgunarmenn komnir á strand-
stað, en þeim tekst ekki að skjóta línu
um borð. Skipverjar bregða þá á það
ráð að fleyta lóðabelg til lands með
línu. Fluglínutækjum er komið fyrir
og áhöfnin, 9 menn, dregnir til lands í
björgunarstól.
A þessum slóðum gætir mjög flóðs
og fjöru. Háflóð var þegar skipið
strandaði en á fjörunni var næstum
hægt að ganga að stefni skipsins þurr-
um fótum. Skipið brotnaði þarna í
spón og.eyðilagðist. Engan sakaði af
áhöfn Eldeyjar.
Af björgunarsveitinni
Þorbirni í Grindavík
Þar sem nafn björgunarsveitarinnar
Þorbjörns í Grindavík hefur borið á
góma hér að framan varðandi björgun
manna úr sjávarháska, er ekki úr vegi
að staldra við þar á strandlengjunni.
Hún er ekki löng sjávargatan vestan
frá Reykjanestá austur fyrir Hrauns-
fjörur, en á þeirri leið mæta okkur ris-
miklir og merkir atburðir er tengjast
björgunar- og sjóslysasögu landsins.
Það var aðfaranótt 24. mars 1931 að
heimilisfólkið á bænum Hrauni vakn-
ar við skerandi eimpípublástur. Fran-
ski togarinn Cap Fagnet frá útgerðar-
bænum Fecamp í Frakklandi er
strandaður þar skammt undan. Frá

Cap Fagnet strandaður á Hraunsfjöru austan Grindavíkur.