Eimreiðin - 01.04.1928, Síða 38

134
KAIRO-FÖR
eimreiðiN
er að minsta kosti 130 km. vegalengd, svo heldur hefur úlf'
aldinn teygt úr kryppunni. Ég reið í kringum hvern hinna
þriggja stóru pýramída fyrir sig, innanum ýmsa minni pýra-
mída, rústir af musterum og gamla grafreiti. Fór síðan af
baki hjá Kheopspýramídanum og gekk í kring um hann og
nokkuð upp í hann, en af því að ekki var laust við sandrok,
fór ég ekki upp á hann. Inn í göngin fór ég nokkra metra,
en þau eru lág, dimm og snarbrött. Ég var um 2 klukku-
stundir að þessu, og voru förunautarnir orðnir hræddir um
mig og farnir að leita að mér í bíl.
í fyrndinni voru tvær stórborgir rétt hjá, þar sem Kairo er
nú. Hét önnur Memphis og var um 20 km. suður af Kairo.
En hin var 10 km. norðaustur frá Kairo og hét Heliopolis-
Báðar eru nú borgir þessar horfnar, og þarf æft auga til
þess að skynja, að þær hafi fyrrum verið voldugar stórborgir-
Rétt hjá rústum Memphisborgar er Sakkara; þar er fjöldi af
pýramídum, og er sá dauðrareitur nálega það eina, sem
minnir þar á forna frægð. Heliopolis hét Ón á máli Forn-
Egyfta. Er hennar getið í biblíunni, t. d. í 1. Mósebók 41»
45, þar sem sagt er, að Faraó hafi gefið Jósef fyrir konu
Asnat, dóttur Pótífera prests í Ón. En Grikkir kölluðu borg-
ina Heliopolis — Sólarborg — vegna þess, að þar var sól-
guðinn — Re-Harnakhte — mjög dýrkaður. Þar sést enn þa
eitthvað af rústum upp úr sandinum, en ekki reyndi ég a^
átta mig á þeim. Hið eina, sem nokkuð ber á, er einstein-
ungur (obelisk) 66 feta hár, úr rauðleitum granítsteini. Hann
stendur einn og horfir yfir valinn. Á hliðum hans eru stor-
kostlegar áletranir. Þær herma, að Sesostris I. konungur 1
Egyftalandi, sonur sólarinnar, hafi reist stein þenna. Og hefur
hann þá staðið þarna óhreyfður í hér um bil 3900 ár.
Nokkru nær Kairo er Nýja Heliopolis. Það er nýtízÞu
bær, og þannig til kominn, að belgiskt félag reisir þar hei
hverfi af afardýrum og glæsilegum stórhýsum, með breiðu,TI
götum og torgum, gistihúsum, skemtistöðum og íþróttavo
um. Ætlast félagið svo til, að hvítir menn búi þar fremur en
í stórborginni. En mér sýndist flest húsin standa auð, en
heyrði ég í Kairo, að það fyrirtæki hefði mishepnast og ek
náð tilgangi sínum.