Eimreiðin - 01.07.1928, Blaðsíða 78

270
VASKIR DRENGIR
eimreiðin
björguðu henni, en var annars hin hressasta, þegar björgunarmennirnir
komu með hana milli sín heim að bænum. Má geta nærri, að foreldrar
og vandamenn hafi þózt heimta börnin úr helju, er þeim varð kunnugt
um hættu þá, er þau höfðu umflúið með svo skjótum og snarráðum hætti-
Sv. S.
William Shakespeare.
Merkisviðburður var það í sögu íslenzkrar leiklistar er
Leikfélag Reykjavíkur sýndi Twelfth Night (Þrettánda kveld).
Þá var Shakespeare-leikrit sýnt á íslandi fyrsta sinni. Og þótt
eigi væri valið eitt af mestu verkum snillingsins, var þar stórt
spor stigið fram á við. Má eflaust vænta þess, að Leikfélagið
sýni áður mörg ár líða einhvern sorgarleikja skáldsins, þar
sem svo vel er í garðinn búið, að þeir eru til í afbragðs-
þýðingum Matthíasar og Steingríms. Um Shakespeare hefur
annars lítið verið skrifað á íslenzku. Er snild hans því, Þ°
heimskunn sé, ónumið land öllum þorra manna íslenzkra.
Fara þeir þar mikils á mis, því að margir fagurfræðingar og
ritdómarar telja hann mesta skáld heimsins. Vert er þó að
muna, að allur mannjöfnuður, ekki sízt þá um snillinga er aö
ræða, er örðugt viðfangsefni. Listin verður sem sé ekki, og
er það vel, álnuð eða vegin. En þetta mun mála sannast, aö
séu talin tíu fremstu skáld heimsins, munu allir sammála um
það, að Shakespeare sé þeirra á meðal. Og jafnsatt er þaö,
að hann er höfuðskáld þjóðar sinnar. ]ohn Masefield, eitt ar
fremstu núlifandi skáldum Englands, segir, að leikrit Shake-
speares séu hið mikilfengasta, sem ensk skáldasál hafi skapaö.
Og meðal leikritaskálda heimsins, þeirra er vér höfum s°9ur
af, eru mjög fá, ef nokkurt, honum fremri. Löngum hefur þa
verið viðkvæðið, að æfiferill Shakespeares væri oss að mestu
ókunnur. Slíkt verður vart lengur með sanni sagt. Fyrir rarm-
sóknir fræðimanna má nú gera sér allglögga mynd lífssog
skáldsins. Hin miklu skáldverk hans eru heldur eigi lítill hiu
sögu hans. Mikinn fróðleik er þar að finna um sjálfan haa ,
því að í verkum skálds hvers er sál hans öll og hjarta. bog
listar Shakespeares má lesa ljósum dráttum og andlega Þr0S.K ’
sögu hans að miklu leyti. Er því mikill sannleikur í ummaeiu
Emersons, að í stað þess að vera sá maður síðari alda,