Eimreiðin - 01.10.1928, Page 34

338 BÓKMENTAIÐJA ÍSL. í VESTURHEIMI eimreiðin
Sjá kvæði eins og »Ég sé«, hina dýrustu ástarjátning til
móðurlandsins, stórsnjalt kvæði, eða »Málið okkar« og »Fóst-
bræðralag*, bæði hin kröftugustu. En tilþrifamikil eru einnig
önnur kvæði höfundar t. d. »Mt. Rainier« og »Hálfur-Máni«.
En síra Jónas á einnig þýðari strengi, er hljóma í kvæðum
eins og »Ljósálfurinn minn«, »Vögguljóð«, »Smalastef« og
»Nú er sóley í varpanum heima«. 011 eru kvæði þessi þýð
og falleg, sérstaklega hið síðastnefnda, þar kemur ættjarðar-
ást höfundar einnig fram í glöggri mynd. Undirstraumur djúprar
íhygli er í slíkum kvæðum sem »Hafræna« og »Vatnahlátur«.
Tækifæriskvæði síra jónasar eru mjög mörg, sum einkar
snjöll. Hann hefur ort erfiljóð eftir ýmsa hina merkustu menn
íslenzka sinnar tíðar og kvatt þá vel.
í þýðingum af enskum Ijóðum á íslenzku hefur síra Jónas
verið all-mikilvirkur. Hefur hann meðal annars þýtt »Vörn
Drútusar® eftir Shakespeare, »Hér er mín eigin ættarströnd«
eftir Walter Scott, hið mikla kvæði »Thanatopsis« eftir W.
C. Bryant, »Hrakninga Maeldunes« og »Oríönu« eftir A.
Tennyson. Eru kvæði þessi prýðisvel þýdd, á blæfögru íslenzku
máli, en þó eru sumar þýðingarnar afar vandasamar, t. d. sú
af »Oríönu«, sem er rímþraut mikil á frummálinu og djúp
tilfinning í. Þegar á alt er litið, er það grunur minn, að síra
Jónas myndi talinn meira en meðalskáld, ef safnað væri í bók
því, sem á prent hefur komið eftir hann, og mun hann þó
meira eiga í fórum sínum af frumsömdum ljóðum og þýddum.
Jóhann Magnús Bjarnason.0 Eins og áður var um getið
hefur hann fengist talsvert við ljóðagerð, einkanlega á fyrri
árum. Árið 1898 voru gefin út eftir hann »Ljóðmæli« a
ísafirði. Lipur eru ljóð Magnúsar, en ekki ávalt eins vel til
þeirra vandað og ákjósanlegt væri. Þó er málið á þeim yf'r'
leitt gott, þau eru látlaus og hispurslaus, þar er engin upP'
gerð eða hvimleiður mikilmenskubragur. Hugsunargöfgi höf-
undar kemur alstaðar ljóst fram, hann er auðsjáanlega tilfinninga'
næmur, kennir til samúðar með smælingjum og bágstöddum.
Ekki mun Magnús hafa ort mikið á síðari árum, að minsta
kosti hefur fátt í bundnu máli birzt eftir hann. En nokkur
1) Sjá um hann hér að framan.