Uppeldi og menntun - 01.01.2004, Síða 35

RAGNHILDUR BJARNADÓTTIR
3. Vandamál og erfiðleikar sem tengjast einstökum nemendum
4. Foreldrasamstarf
5. Persónuleg viðfangsefni: Að vera ákveðinn, þolinmóður, skipulagður.
Upphaflega voru einungis notaðir fyrstu fjórir flokkarnir, en í ljós kom að mörg svar-
anna voru mjög persónuleg og stundum erfitt að skipa þeim í þessa fjóra flokka. Þess
vegna var búinn til fimmti flokkur viðfangsefna sem að töluverðu leyti skarast á við
hina fjóra flokkana. í fyrsta flokkinn, Agi og stjórnun, lentu nærri því 30% svara.
Dæmi um svör eru:
- Að eiga við agavandamál innan bekkjar.
- Að finnast maður ekki hafa stjórn á bekknum. Ég er ekki viss hvað ég ætti
að gera ef allt færi í upplausn.
- Erfitt að ná og halda athygli nemenda.
- Halda aga og stjórnun á bekk í lengri tíma.
- Mér finnst mjög erfitt að halda uppi aga í mjög getublönduðum bekk, þá
meina ég mjög mikil vandamál í einum bekk.
Agavandamál virðast valda töluverðum áhyggjum, enda hafa nemarnir mikinn
áhuga á valnámskeiði um aga og agavandamál, skv. upplýsingum frá samstarfshópi.
Um það bil 20% svara tengdust skipulagi og framkvæmd kennslu. Einkum virðist
getublöndun valda áhyggjum:
- Að semja skemmtileg verkefni fyrir nemendur, t.d. þemaverkefni.
- Skipulagning á námsefni, þ.e. finna hvað hentar hvaða hópi.
- Mér finnst erfitt ef bekkir eru mikið getublandaðir og að mæta þörfum
allra.
- Helst hvað það eru ólíkir einstaklingar í hverjum bekk, þ.e. það hlýtur að
vera erfitt að ná til allra.
- Að fá alla nemendur til að læra og að allir nemendur glími við verkefni við
hæfi og fái sem mest út úr náminu. Sé það ekki gerast hjá einum kennara
með 25 krakka.
- Að undirbúa og skipuleggja kennsluna, að vera alltaf tilbúinn með eitt-
hvað þegar nemendur eru búnir með ákveðin verkefni.
- Að kenna námsgreinar sem ég er ekki sterk í.
Athygli vekur að aðeins örfáir nefna viðfangsefni sem tengjast námsgreinum, og þá
nefna þeir einkum að „kenna stærðfræði".
Um það bii fimmti hluti svara féll í þriðja flokk, um vandamál og erfiðleika sem
tengjast einstökum nemendum:
- Að finna tíma og námsefni fyrir þá sem eiga í erfiðleikum.
- Að sinna fötluðum börnum, börnum með miklar sérþarfir.
- Að láta kennsluna vera þannig að allir nemendur fái að njóta sín, en þá er
ég með sérkennsluna í huga en það er skipulagning og góður undirbún-
ingur sem skiptir þar máli.
33