Ægir - 01.02.1991, Blaðsíða 12

64
ÆGIR
2/91
ÆGIR
MÁNAÐARRIT FISKIFJELAGS ÍSLANDS.
5. árg. Reykjavík. Janúarl9l2. Nr. 1.

Fiskifélag Islands
Fyrir nokkrum árum síðan kom sú hugmynd fram,
að nauðsyn bæri til að stofna félag, sem starfaði á
sama hátt fyrir sjávarútveginn og Búnaðarfélag
Islands fyrir landbúnaðinn. í 1. tbl. I. árg. Ægis var
þessu hreyft, og færð nokkur rök fyrir því, hve þarfur
slíkur félagsskapur væri.
Nágrannaþjóðir vorar, Norðmenn og Danir, hafa
fyrir löngu komið slíkum félagsskap á hjá sér, og
útlendir menn, sem kynntust sjávarútvegi vorum og
vildu styðja að efnalegri velgengni þjóðar vorrar, svo
sem höfuðsmennirnirSchackogAmundsen, sem höfðu
landhelgisvörsluna á hendi, hinn fyrrnefndi 1905 og
síðarnefndi 1907, voru þess mjög hvetjandi, að hér
væri stofnað félag, sem næði yfir landið allt og beitti
sér fyrir eflingu sjávarútvegsins. Félagsmyndunin fórst
þó fyrir það sinni. En það komst nokkurt skrið á
málið, og menn skildu það til fulls, hversu sjávarút-
vegurinn var settur hjá við allar fjárveitingar úr lands-
sjóði, og leiddi það til stofnunar Fiskveiðasjóðs
íslands, sbr. I. 10. nóv. 1905, og þeir, er sömdu lögin
um fiskveiðasjóðinn, hafa séð það í hendi sér, að
almennt félag til eflingar fiskveiðum og siglingum
myndi stofnað, því að í 4. gr. laga fiskveiðasjóðsins
segir svo: „Verði stofnað almennt fiskveiða- eða
útgerðarfélag fyrir land allt, í nokkurri líkingu við
Búnaðarfélag íslands, skal leita álits slíks félags um
lánveitingar, styrkveitingar og verðlaunaveitingar úr
sjóðnum". Félagsstofnun var þannig vakandi íhugum
manna, og ýmsir merkir menn, þar á meðal Tryggvi
bankastjóri Gunnarsson, höfðu sterkan áhuga á mál-
inu og að því kom veturinn 1908, að nokkrir skip-
stjórar og útvegsmenn og aðrir, sem vildu, að fram-
kvæmdir yrðu í þessum efnum, hér í bænum, héldu
fund með sér um málið. Fundurinn kaus nefnd til að
undirbúa lög. Bjarni adjunkt Sæmundsson samdi
frumvarp til laga, að mestu sniðið eftir lögum „Sel-
skabet for de norske Fiskeriers Fremme", en lengra
komst málið ekki áleiðis þá.
Loks gerðist sá atburður haustið 1910, að annar
hinna pólitísku flokka sneri sér að málinu. Stjórn
skrifstofu sjálfstæðismanna, þeir dr. Jón Þorkelsson,
Brynjólfur tannlæknir Björnsson og Ólafur prestur
Ólafsson, tóku málið í sínar hendur og kvöddu til
ráða með sér ýmsa hina bestu menn, er kunnugir
voru sjávarútveginum, hverjum pólitískum flokki sem
þeir fylgdu, og var það mjög viturlega ráðið. Málið
fékk sem vita mátti hinar bestu undirtektir, því að
öllum var þegar Ijós nauðsyn þessa félags, enda tókst
að hrinda málinu svo fljótt áfram, að félagið var
stofnað í þingbyrjun 1911 og stórn valin. Formaður
Hannes skipstj. Hafliðason og í stjórn með honum
Magnús skólakennari Magnússon, skipstjórarnir Geir
Sigurðsson og Matthías Þórðarson, og útvegsmaður
Jón Magnússon í Skuld. Varaforseti Tryggvi Gunnars-
son og með honum í varastjórn skipstjórarnir Sig-
urður Jónsson í Görðunum og Jón Ólafsson. Endur-
Skrifstofa
r
Fiskifjelags Islands
verður opnuð innan skamms í Tempiarasundi
og verður úr pvi opin að minsta kosti 2 tíma á
dag á peim tíma, sem síðar verður ákveðinn.
Öll brjef eða fyrirspurnir stýlaðar til stjórn-
arinnar eiga að sendast til Skrifstofunnar,
enda verður formaður fjelagsins eða einn úr
stjórn pess til viðtals fyrir pá, sem pess óska
pann tíma, sem hún er opin.
Auglýsing sem birtist í Ægi, 1 tbl. 1912.