Tímarit lögfræðinga - 01.05.1984, Page 48

Stjórn Lögfræðingafélags islands 1982—1983
Standandi frá vinstri: Valgeir Pálsson, gjaldkeri, Ólöf Pétursdóttir, fram-
kvæmdastjóri Tfmarits lögfræSinga, Logi Guðbrandsson, meðstjórnandi, Guð-
rún Erlendsdóttir, varaformaður og Baldur Guðlaugsson, meðstjórnandi. Sitj-
andi: Arnljótur Björnsson, formaður. Á myndina vantar Þorgeir Örlygsson,
ritara.
Allir fundirnir nema tveir voru haldnir að kvöldi til t Lögbergi. Fundirnir 14.
janúar og 6. maí voru hádegisverðarfundir í veitingahúsinu Þingholti. Það ný-
mæli var tekið upp, að sumum framsöguerindunum eða útdrætti úr þeim var
dreift fjölrituðum fyrir fundina, þannig að fundarmenn áttu þess kost að kynna
sér efnið með góðum fyrirvara. Var þetta gert í því skyni að örva þátttöku
í almennum umræðum. Árangur varð þó ekki eins góður og stjórn félagsins
hafði gert ráð fyrir.
Hið árlega málþing félagsins fór fram að Fólkvangi á Kjalarnesi laugar-
daginn 22. október. Var umræðuefni málþingsins sameignarfélög. Á málþing-
inu hafði dr. Gaukur Jörundsson, prófessor framsögu um „Almennar og sér-
stakar reglur um sameign", Páll Skúlason, lögfræðingur um „Ákvarðanatöku
í sameignarfélögum“, Stefán Már Stefánsson, prófessor um „Sameignarfélag
sem aðila að dómsmálum", Friðgeir Björnsson, borgardómari um „Ábyrgð
sameigenda á skuldbindingum sameignarfélags við eigendaskipti“, Gylfi
Knudsen, deildarstjóri um „Skattamál sameignarfélaga“ og Sigurður Helgi
Guðjónsson, fulltrúi yfirborgardómara um „Sameign fjölbýlishúsa". Miklar um-
ræður urðu á milli framsöguerinda og að þeim loknum. Stjórnaði Sigurður
Líndal, prófessor þeim. Málþingið var fjölsótt. Voru þátttakendur alls 95. Alls
sóttu 500 menn fræðafundi og málþing félagsins á starfsárinu.
42