Tímarit lögfræðinga - 01.06.1989, Qupperneq 3

TDIARIT
LÖGFRÆÐINGA
2. HEFTI 39. ÁRGANGUR JÚNl 1989
VERKFALL LÖGFRÆÐINGA
í vor gerðu mörg stéttarfélög háskólamanna í ríkisþjónustu verkfall. Það
varð mjög langt; hjá flestum félögunum hófst það 6. apríl og undir samninga
var skrfiað 18. maí. Það var líka strangt, m.a. vegna þess að mjög erfiðlega
gekk að fá fulltrúa ríkisvaldsins til að ræða kjarakröfur félaganna. Bandalag
háskólamanna I ríkisþjónustu var tilbúið til viðræðna um nýjan kjarasamning
í janúar sl., en liðnir voru 9 dagar af verkfalli þegar samningafundir hófust
milli þess og rikisins. Það var þó ekki fyrr en enn síðar að fulltrúar ríkisins
vildu sinna aðalkröfu BHMR-félaganna um að háskólamenn í þjónustu ríkis-
ins skyldu njóta sambærilegra kjara við starfssystkin á almennum vinnu-
markaði.
Fyrir verkfall munu fæstir verkfallsmanna hafa borið hlýjan hug til æðstu
húsbænda sinna. Verfkfallið bætti ekki úr þvl. Taka mun langan tíma að
byggja upp traust og trúnað milli þessara aðilja, og framkvæmd hins nýja
kjarasamnings ræður miklu um hvernig það tekst.
Eitt þeirra félaga sem samþykktu að leggja niður vinnu til að knýja á um
viðunandi kjarasamning var Stéttarfélag lögfræðinga ( ríkisþjónustu (SLÍR).
Þetta þótti víst saga til næsta bæjar. Lögfræðingar höfðu ekki staðið ( slíkri
kjarabaráttu fyrr. En vilji félagsmanna ( allsherjaratkvæðagreiðslu var mjög
skýr. 77% félagsmanna tóku þátt í henni og 60% þátttakenda greiddu at-
kvæði með verkfalli. í félaginu eru um 130 manns.
En hvað olli svo alvarlegri ákvörðun. Hingað til hafa lögfræðingar í ríkis-
þjónustu ekki getað talist kröfuharðir um kaup og kjör við æðstu húsbændur
sína, heldur hafa þeir nánast þegið þakksamlega það sem að þeim hefur
verið rétt. Það er kannski ekki svo ýkja langt síðan að við slíkt mátti una.
Meðan lögfræðingar og aðrir háskólagengnir menn voru tiltölulega fáir og
hluti af fámennu kerfi embættis- og sýslunarmanna, var útlátalítið og raunar
sjálfsagt fyrir ríkið að gera vel við þá. Þetta er hvort tveggja breytt. Lög-
fræðingum sem öðrum háskólamönnum hefur fjölgað mjög ( þjónustustofn-
unum ríkisins. Margir þeirra búa við lág laun og iakar aðstæður á vinnustað.
Úrslit atkvæðagreiðslunnar um verkfall lögfræðinga voru ein sér vtsbending
81