Tímarit lögfræðinga - 01.09.1992, Qupperneq 70

mannafélagsins hefur sýnt í verki mikilvægan stuðning við félagið sem félags-
menn virða mjög.
Auglýst var laust starf framkvæmdastjóra félagsins. Nokkrar umsóknir
bárust, en nýr framkvæmdastjóri hefur ekki verið ráðinn þegar þetta er ritað.
VI. LÖGFRÆÐINGATAL
Áfram var haldið að vinna að útgáfu Lögfræðingatals á vegum félagsins, enda
voru undirtektir síðasta aðalfundar við þessa hugmynd mjög til uppörvunar. Á
stjórnarfundi 17. apríl s.l. var skipuð ritnefnd Lögfræðingatals til þess að hrinda
verki þessu í framkvæmd, og hana skipa Dögg Pálsdóttir, Skúli Guðmundsson
og Garðar Gíslason formaður.
Nefndin leitaði að heppilegum ritstjóra og gerði samning við Gunnlaug
Haraldsson fil. kand. í þjóðhátta- og fornleifafræði að taka þetta verk að sér.
Hann hefur getið sér gott orð fyrir útgáfu sína á Æviskrám MA-stúdenta.
Ritnefnd ieitaði til Ragnars Aðalsteinssonar hrl. til að vera henni til aðstoðar við
undirbúning verksins. í samráði við hann var samin útboðslýsing og send til
fimm útgáfufyrirtækja, Hins íslenska bókmenntafélags, Iðunnar h.f., ísafoldar-
prentsmiðju h.f., Vöku-Helgafells h.f. og Arnar og Örlygs h.f. Iðunn h.f. sendi
hagstæðasta tilboðið, og var gengið til samninga við fyrirtækið um útgáfuna með
þeim skilmálum sem félagið setti, sem eru m.a. að ritið nái yfir alla íslenska
lögfræðinga allt til þessa dags, og að það komi út í október 1992. Ritstjóri sendir
á næstu dögum bréf til allra lögfræðinga og spurningaeyðublað til útfyllingar, og
beinir ritnefnd því til allra félagsmanna að taka vel undir og skila greiðlega af sér
upplýsingum og mynd, til þess að útgáfan megi vel takast.
VII. ERINDI TIL STJÓRNAR
Stjórn félagsins bárust ýmis erindi til umsagnar og afgreiðslu, sem hún reyndi
að afgreiða eftir föngum. Þar á meðal voru lagafrumvörp frá dómsmálaráðu-
neyti, en stjórnin taldi sér ekki fært að veita umsögn um þau. Sú stefna hefur
verið tekin, að taka ný lagafrumvörp til umræðu á almennum fundum félagsins
þegar efni standa til, og sé það framlag félagsins í stað umsagnar stjórnar.
VIII. AÐILD AÐ BHM
Eins og getið var um í skýrslu síðustu stjórnar voru 6 fulltrúar félagsins
skipaðir í nefnd til að undirbúa þátttöku félagsins og mæta á IX. þing BHM, sem
haldið var 9.-10. nóvember s.l. Nefnd þessi, sem var undir stjórn Allans V.
Magnússonar borgardómara, vann störf sín með mikilli prýði og var m.a. fyrir
hennar tilstuðlan ákveðið að ekki yrði hækkun á framlagi félagsmanna til BHM.
Ingvar J. Rögnvaldsson ritari sat í nefndinni fyrir hönd stjórnar, og hefur tekið
148