Tímarit lögfræðinga - 01.09.1994, Síða 67

Á VÍÐ OG DREIF
AÐALFUNDUR LÖGFRÆÐINGAFÉLAGS ÍSLANDS 1993
Aðalfundur Lögfræðingafélags íslands var haldinn í stofu 102 í Lögbergi
fimmtudaginn 28. október 1993 og hófst hann kl. 20.30.
Á dagskránni voru venjuleg aðalfundarstörf. Á fundinum lágu frammi:
skýrsla stjómar, reikningar félagsins og reikningar Tímarits lögfræðinga.
Fundarstjóri var kosinn Þórunn Guðmundsdóttir hrl. en fundarritari Ingvar
J. Rögnvaldsson skrifstofustjóri.
Formaður félagsins Gunnlaugur Claessen ríkislögmaður flutti síðan skýrslu
fráfarandi stjómar og vísast til efnis hennar á öðrum stað hér í tímaritinu.
Rétt er þó að drepa á nokkur atriði í skýrslunni s.s. þá áherslubreytingu að
leitað var í ríkara mæli til lögfræðinga utan hinna hefðbundnu lögfræðistarfa
um framsögu á fundum félagsins.
Málþingið sl. liaust var hið næst fjölmennasta í sögu félagsins. Fundarefni
var hagnýtt og framsöguerindi góð og þátttakendur 196. Fundargestir á fund-
um félagsins voru alls 629, sem verður að teljast allgott og sýnir að áhugi er
sannarlega fyrir hendi.
Útgáfa Tímarits lögfræðinga hefur verið með hefðbundnum hætti og þakkaði
formaður ritstjórum þeim Friðgeiri Björnssyni dómstjóra og Steingrími Gauti
Kristjánssyni héraðsdómara fyrir vel unnin störf.
Formaður vék að útgáfu Lögfræðingatalsins og kvað það gleðiefni að þessu
mikla átaki væri lokið, en hér hafi Grettistaki verið lyft. Færði hann ritstjóra
Gunnlaugi Haraldssyni og ritnefndarmönnum þeim Garðari Gíslasyni hæsta-
réttardómara, Dögg Pálsdóttur skrifstofustjóra og Skúla Guðmundssyni skrif-
stofustjóra bestu þakkir.
BHMR var getið og endaloka þeirra samtaka.
Formaður kvað Lögfræðingafélagið hafa nú beint sjónum sínum í rrkara
mæli að samstarfi við samtök lögfræðinga á hinum Norðurlöndunum. Árs-
fundur samtakanna hafi t.a.m. verið haldinn hér á landi í sumar. Framkvæmda-
stjóri félagsins hafi aðstoðað við undirbúning og setið fundinn ásamt tveimur
stjórnarmönnum.
133