Tímarit lögfræðinga - 01.12.1994, Blaðsíða 41

Á VÍÐ OG DREIF
DÓMARAÞING 1994
Dómaraþing 1994 var haldið á Hótel Selfossi 4. og 5. nóvember. Þingið hófst
með því að Valtýr Sigurðsson formaður Dómarafélags Islands bauð gesti vel-
komna, lýsti ánægju sinni yfir því að þingið væri haldið í fyrsta skipti utan
Reykjavíkur og kvaðst vonast til þess að framhald yrði þar á. Hann fól Asgeiri
Pétri Asgeirssyni héraðsdómara fundarstjóm. Fundarstjóri fól Sigurði T. Magn-
ússyni settum héraðsdómara fundarritun.
Valtýr Sigurðsson tók til máls og rakti stuttlega aðdraganda að aðskilnaði
dómsvalds og framkvæmdavalds og fjallaði um tilgang aðskilnaðarins með til-
liti til mannréttinda. Formaðurinn ræddi um sjálfstæði dómara, stöðu dómara-
fulltrúa í tengslum við alþjóðlega umræðu og samstarf. Hann vék sérstaklega að
tilmælum ráðherrafundar Evrópuráðsins til aðildarrikja „um sjálfstæði, skil-
virkni og hlutverk dómara“. Formaðurinn benti á þörfina fyrir, að dómsmála-
ráðuneytið miðlaði upplýsingum til dómara um alþjóðlegt starf sem snerti dóm-
ara. Taldi hann að dómarar ættu að leiða umræðu um skilvirkni dómstóla og
tryggja að ekki verði slakað á kröfum um gæði dómsúrlausna. Því næst fjallaði
hann um launamál dómara og taldi þörf á, að dómurum yrðu tryggð launakjör
í samræmi við starfsábyrgð til þess að dómendur freistuðust ekki til þess að taka
að sér aukastörf sem ekki samrýmdust störfum þeirra. Formaðurinn taldi, að
embætti dómsmálaráðherra hefði verið afgangsstærð í skiptingu ráðuneyta hér
á landi, en ef til vill væri breytinga von þar sem áhugi á störfum dómara hefði
aukist og dómendum tekist að auka virðingu dómstóla með skilvirkum vinnu-
brögðum.
Þorsteinn Pálsson dómsmálaráðherra tók næstur til máls og kvað aðskilnað
framkvæmdavalds og dómsvalds hafa tekist vel og kostnað af honum ekki meiri
en gert hefði verið ráð fyrir. Hann kvað dómurum, lögmönnum og öðrum þeim
sem hlut áttu að máli hafa tekist að koma þessum umfangsmiklu breytingum í
kring með farsælum hætti. Ráðherra taldi að húsnæðismál héraðsdómstóla væru
nú í viðunandi horfi og fagnaði því að bygging húss Hæstaréttar væri hafin.
Ráðherra taldi húsið listaverk og kvað vera stefnt að því að rétturinn gæti tekið
til starfa í því um mitt ár 1996. Ráðherra fjallaði um biðtíma mála í Hæstarétti
og þær ráðstafanir sem gripið var til með gildistöku laga nr. 38/1994 um breyt-
ing á lögum um Hæstarétt. Þá fjallaði ráðherrann um tilmæli ráðherranefndar
um sjálfstæði, skilvirkni og hlutverk dómara. Einnig fjallaði hann um mögu-
leika á sjálfstæðari fjármálastjóm dómstólanna. Að lokum boðaði hann breyt-
ingar á lögum um meðferð opinberra mála.
265