Tímarit lögfræðinga - 01.12.1994, Blaðsíða 55
í mörgum löndum hafa verið stofnuð sérstök félög kvendómara, sem eru
aðilar að alþjóðasamtökunum, en í öðrum löndum eru það einstakir dómarar,
sem eru aðilar. Hér á landi, svo og einnig á hinum Norðurlöndunum, hefur ekki
verið áhugi á að stofna sérstakt félag kvendómara, heldur hafa einstakir
dómarar gerst aðilar að samtökunum, og eru nú 15 íslenskir dómarar innan
þeirra. Arlegt gjald í samtökin fyrir einstakling hefur fram að þessu verið
$15,00.
Þrátt fyrir þröngan fjárhag I.A.W.J. hefur starfsemi samtakanna verið blóm-
leg þau rúmu tvö ár, sem þau hafa starfað. Þau hafa staðið fyrir tveimur stórum
alþjóðlegum ráðstefnum auk þess sem þau gefa út tvö fréttabréf á ári, „Counter
Balance Intemational“.
Aðalviðfangsefnið á ráðstefnunni í Róm í maí 1994 var um ofbeldi á heim-
ilum: Domestic Violence: A hidden Problem Exposed. A ráðstefnunni voru flutt
erindi frá mörgum löndum, sem búa við ólík réttarkerfi og venjur. Þar kom
berlega í ljós, að þessi tegund ofbeldis er þekkt um allan heim, og reynt er að
berjast gegn því á mismunandi hátt bæði af hálfu löggjafarvalds og fram-
kvæmdarvalds. Erindi bandarískra dómara, sálfræðinga og prófessora vöktu
sérstakan áhuga. Margar og merkilegar rannsóknir um þetta efni hafa verið
gerðar í Bandaríkjunum, sem verið er að byggja framhaldsaðgerðir á. Það kom
einnig skýrt fram, eins og vitað var fyrir, að ástandið í þessum málum er ákaf-
lega slæmt í mörgum löndum Asíu, Áfríku og Suður- Ameríku, en fulltrúar frá
þeim voru mjög fjölmennir á ráðstefnunni. Það er því ljóst, að þeir dómarar,
sem koma frá ríkjum þar sem jafnrétti kynjanna er komið vel á leið, hafa hlut-
verki að gegna í því að leiðbeina og ráðleggja þeim, sem við frumstæðari kjör
búa.
Ráðstefnunni í Róm lauk með tuttugu manna vinnuhópi (workshop) þar sem
viðfangsefnið var réttindi kvenna sem mannréttindi. Þar var lögð sérstök
áhersla á mikilvæga alþjóðlega sáttmála og þýðingu þeirra fyrir réttarfram-
kvæmdina í hinum einstöku löndum.
Á næstu ráðstefnu I.A.W.J., sem haldin verður í Manila í febrúar 1996, verður
viðfangsefninu frá ráðstefnunni í Róm fylgt eftir. Norðurlönd hafa náð merkum
áföngum í jafnréttisbaráttunni. Þótt þau hafí ekki leyst öll vandamál, þá hafa
þau þó náð langt, ef borið er saman við umheiminn. Áhugi er meðal þeirra nor-
rænu dómara, sem tekið hafa þátt í þessum ráðstefnum, að taka upp nánari sam-
vinnu, og er mikilvægt að rödd þeirra heyrist á alþjóðlegum ráðstefnum, sem
um þessi efni fjalla.
Guðrún Erlendsdóttir
279