Tímarit lögfræðinga - 01.12.1994, Blaðsíða 48

ÚR SKÝRSLU STJÓRNAR DÓMARAFÉLAGS
ÍSLANDS STARFSÁRIÐ 1993-1994
Skýrsla stjórnar Dómarafélags íslands er ekki birt í heild, þar sem hún hefur
að geyma frásagnir af aðalfundi félagsins 1993 og dómsmálaþingi sama ár, en
frásagnir afhvoru tveggja voru birtar í 4. hefti tímaritsins 1993. Þá eru einnig
felldar úr skýrslunni umsagnir stjórnar um einstök lagafrumvörp.
1. Félagsmenn Dómarafélags íslands
Félagsmenn voru á aðalfundi 1993 samtals 74. Á starfsárinu var Sigurður
Hallur Stefánsson skipaður héraðsdómari við Héraðsdóm Reykjavíkur. Þá voru
þeir Gunnlaugur Claessen ríkislögmaður og Markús Sigurbjörnsson prófessor
skipaðir dómarar við Hæstarétt fslands. Gunnar M. Guðmundsson hæstarétt-
ardómari lét af embætti.
Tveir félagsmenn létust á starfsárinu þeir Jónas Gústavsson héraðsdómari og
Pétur Þorsteinsson fyrrverandi sýslumaður. Þeirra var minnst. Félagsmenn eru
nú 74.
2. Helstu störf stjórnar
a. Almennir félagsfundir
Þann 14. október 1993 flutti Ólafur Börkur Þorvaldsson héraðsdómari há-
degiserindi sem bar heitið: Héraðsdómari úti á landi. Fundarmenn voru 21.
Þann 17. desember 1993 flutti Styrmir Gunnarsson ritstjóri hádegiserindi sem
bar heitið: Réttarkerfið og tjölmiðlar. Fundur þessi var haldinn í samvinnu við
Lögmannafélag íslands. Fundarmenn voru 55.
Þann 17. mars sl. flutti Ragnar Aðalsteinsson hrl. hádegiserindi sem bar
heitið: Staða dómarafulltrúa í dómskerfinu. Fundarmenn voru 31.
Þann 19. maí 1994 flutti Pétur Kr. Hafstein, hæstaréttardómari hádegiserindi
sem bar heitið: Um agamál dómara. Fundarmenn voru 28.
Þann 27. maí hélt félagið málþing á Hótel Valhöll á Þingvöllum í samvinnu
við Lögmannafélag íslands. Meginefni þingsins fyrri hluta fundardags var um
stjómsýslulögin, þar sem Eiríkur Tómasson hrl., Páll Hreinsson og Þórhallur
Vilhjálmsson aðstoðarmenn umboðsmanns Alþingis fluttu framsöguerindi.
Eftir hádegi fluttu Hrafn Bragason forseti Hæstaréttar og Magnús Thoroddsen
hrl. erindi um breytingar á lögum um Hæstarétt Islands og þýðingu þeirra fyrir
málsmeðferð fyrir réttinum. Námstefna þessi var vel sótt eins og fyrri nám-
stefnur félaganna, en hana sóttu um 110 manns.
272