Tímarit lögfræðinga - 01.12.1994, Blaðsíða 49

Stjómin hélt 16 bókaða fundi á starfsárinu. Þá hélt hún óformlega fundi eink-
um varðandi umsagnir um lagafrumvörp og undirbúning fundarhalda.
b. Umsagnir um lagafrumvörp o.íl.
Stjóm félagsins fékk eftirtalin lagafrumvörp o. fl. til umsagnar:
1. Frumvarp til laga um Hæstarétt íslands
2. Frumvarp til laga um meðferð einkamála
3. Frumvarp til laga um meðferð opinberra mála
4. Fmmvarp til laga um Mannréttindasáttmála Evrópu
5. Frumvarp til laga um samningsveð
6. Frumvarp að áfengislögum
7. Frumvarp til laga um umboðsmann barna
8. Þingsályktunartillögu um flutning verkefna til sýslumannsembættanna
9. Umsögn að drögum um starfsreglur EFTA- dómstólsins
3. Fundur með blaðamönnum
Þann 19. október 1993 var að beiðni stjórnar félagsins efnt til fundar í sam-
vinnu við stjórn Blaðamannafélags íslands með þeim fulltrúum fjölmiðla sem
annast fréttaflutning af gangi dómsmála. Tilgangur fundarins var samkvæmt
bréfi stjórnarinnar að skiptast á skoðunum og athuga hvernig komið yrði til
móts við þarfir fjölmiðla um upplýsingar af vettvangi dómsmála innan þeirra
reglna sem um slíkan fréttaflutning gilda hjá dómstólunum lögum samkvæmt.
Fundur þessi var vel sóttur og var hinn gagnlegasti. Helstu niðurstöður fund-
arins voru sendar héraðsdómstólunum. Ekki var greint frá fundi þessum í síð-
ustu ársskýrslu þar sem hann var haldinn skömmu fyrir aðalfund félagsins og er
því greint frá honum nú.
4. Húsnæðismál Hæstaréttar
Húsnæðismál Hæstaréttar hafa lengi verið til umfjöllunar á dómaraþingum og
margar áskoranir verið samdar enda brýnt að úr verði bætt.
Þann 23. nóvember sl. sendi stjóm félagsins eftirfarandi erindi til Alþingis:
„Eins og kunnugt er hefur verið gert veralegt átak í húsnæðismálum héraðs-
dómstóla landsins í kjölfar aðskilnaðar dómsvalds og framkvæmdavalds. Telst
það ekki álitamál að sýnilegt sjálfstæði dómstólanna hefur aukist við þá breyt-
ingu. Á hinn bóginn hafa húsnæðismál Hæstaréttar íslands, sem þó hafa um
áratuga skeið verið með öllu óviðunandi og ósamboðin æðsta dómstóli lands-
ins, setið á hakanum. Er nú svo að Hæstarétti þrengt í húsnæðismálum, að starf-
semi réttarins rúmast þar ekki lengur og þrengslin hindra að nauðsynlegri verk-
hagræðingu verði komið við. Það var því stjórn félagsins mikið fagnaðarefni
þegar ákvörðun var tekin um byggingu dómhúss fyrir Hæstarétt. Það hefur
verið talið raunhæft markmið að Hæstiréttur íslands yrði kominn í nýtt húsnæði
á 75 ára afmæli réttarins, árið 1995. Stjórn Dómarafélags íslands væntir þess að
Alþingi sjái til þess að af því megi verða“.
273