Tímarit lögfræðinga - 01.12.1994, Blaðsíða 51

að hækka dagvinnulaun héraðsdómara eins og á stendur. Kjaradómi ber hins
vegar að taka afstöðu til þess hvort vinnutími hæstaréttardómara og héraðs-
dómara hafi breyst þannig að meta beri það sérstaklega. Kjaradómur telur skylt
í ljósi þess sem rakið er hér að framan að meta og ákvarða greiðslur fyrir lengri
vinnutíma en unnin var, þegar grundvöllur að heildarlaunum hæstaréttardómara
og héraðsdómara var síðast lagður“.
Kjaradómur ákvarðaði síðan hæstaréttardómurum yfirvinnu 37 stundir á
mánuði og héraðsdómurum 32 stundir fyrir alla yfirvinnu og aukið álag. Forseta
Hæstaréttar voru ákvarðaðar 42 stundir á mánuði og dómstjórum og héraðs-
dómurum sem starfa einir 47 stundir á mánuði.
Segja má að niðurstaða þessi hafi valdið dómurum vonbrigðum. í fyrsta lagi
tekur Kjaradómur að mati stjómarinnar ekki á þeirri lagaskyldu sinni að gæta
innbyrðis samræmis í starfskjöram þeim sem hann ákveður þannig að laun
dómara séu í samræmi við laun í þjóðfélaginu hjá þeim sem sambærilegir geta
talist með tilliti til starfa og ábyrgðar. Þá er í launaákvörðun Kjaradóms engan
veginn tekið tillit til kröfu á fjárhagslegu sjálfstæði dómara og því hversu mjög
möguleikar þeirra til aukastarfa eru skertir. Það er því enn langt í land með að
laun dómara sé í samræmi við þá stöðu sem dómsvaldinu er ætlað að gegna sem
einn handhafi ríkisvaldsins og mun það með tímanum leiða til veikara dóms-
valds. Þá mun það fyrirkomulag að dómurum sé ákvörðuð yfirvinna ekki eiga
sér hliðstæðu í Evrópu.
7. Staða dómarafulltrúa í dómskerfínu
Þann 11. apríl sl. barst félaginu bréf frá dómarafulltrúum. Þar kom fram að
dómarafulltrúar hefðu haldið fund vegna umræðu þeirrar sem orðið hefði um
stöðu þeirra í dómskerfinu. Dómarafulltrúar voru sammála um að stefna bæri
að því að einungis dómarar sinntu dómstörfum. Var sú tillaga samþykkt á fundi
dómarafulltrúa að fjölgað skyldi dómarastöðum sem næmi fjölda fulltrúastaða
við héraðsdómstóla. Þá skyldi styrkja stöðu þeirra dómarafulltrúa sem ekki
fengju dómarastöðu. í framtíðinni skyldi síðan stefnt að því að ráða aðstoðar-
menn dómara úr röðum nýútskrifaðra lögfræðinga. í bréfinu var óskað við-
ræðna við stjóm Dómarafélags íslands um þessi mál. Eftir að mál þetta hafði
verið rætt innan stjómar héldu fulltrúar stjómarinnar fund með nefnd dóm-
arafulltrúa. Var einhugur um þá stefnu að einungis dómarar sinntu dómsstörf-
um. Samþykkt var að stjóm félagsins sendi dómsmálaráðuneytinu og réttarfars-
nefnd bréf þess efnis og árétta þar að ætíð skyldi nægilega mörgum dómuram
vera til að dreifa í landinu til að þessu markmiði yrði náð.
Þessu erindi hefur nú verið komið á framfæri.
8. Erlend samskipti
Þing Alþjóðasambands dómara verður í ár haldið í Grikklandi, nánar tiltekið
í Aþenu dagana 9. til 13. október. Dómarafélag Grikklands bauð til þingsins og
275