Tímarit lögfræðinga - 01.10.1998, Page 38

Ef tap mannsins sannanlega er 1.5 milljónir króna á ári í 8 ár, samtals 12
milljónir, en skaðabótalög segja það 6 milljónir, fara þá lögin ekki að höggva
nærri 72. grein stjórnarskrár?
12. LOKAORÐ
Þessi grein er tilraun til að fjalla um lög nr. 50/1993, aðdraganda þess að þau
urðu til, efni laganna, framkvæmd þeirra og hugsanlegar breytingar á lögunum.
Hún er hugsuð sem viðbót við þá vönduðu umfjöllun sem lögin hafa fengið í
álitsgerðum og greinum þeirra Gests Jónssonar og Gunnlaugs Claessen, sem
áður er vitnað til.
Alþingismenn mættu draga nokkurn lærdóm af sögu þessara laga og búa til
meginreglur sem fylgt yrði framvegis við undirbúning og setningu lagafrum-
varpa. Með því móti má koma í veg fyrir óhöpp af því tagi sem fylgt hafa
setningu skaðabótalaga.
Þá er það von höfundar, að greinin megi hjálpa til þess að Alþingi breyti lög-
unum þannig að slasað fólk geti treyst því að liggja ekki áfram óbætt hjá garði.
HELSTU HEIMILDIR
Arbejdsskadestyrelsen. Arsberetninger 1995 og 1996.
Jens Mpller: Erstatningsansvarsloven m. kommentarer. 1996.
Peter Lpdrup: Erstatningsret. 1995.
Félagsmiðill íslenskra sjúkraþjálfara. 2. tbl. 1993.
Frumvörp til skaðabótalaga 1991 og 1992.
N.O.U. 1994:20 „Personskadeerstatning”. 1994.
206