Ægir - 01.09.1996, Blaðsíða 64

Verðbréfamarkaður íslandsbanka
Stóraukinn áhugi almenn-
ings á hlutafé í sjávarútvegi
„Við verðum vör við að fólk almennt, bæði smærri og stærri fjárfestar
hafa mun meiri áhuga á fyrirtækjum í sjávarútvegi en áður og fylgjast
vel með þessum atvinnuvegi og framvindu mála þar. Við verðum
einnig vör við að ungt fólk, jafnvel unglingar hafa aukinn áhuga á verð-
bréfamarkaði," sagði Margrét Sveinsdóttir forstöðumaður einstak-
lingsþjónustu VÍB í samtali við Ægi. VÍB mun kynna þjónustu sína á
sjávarútvegssýningunni í félagi við aðra.
„Það má segja að þjónusta okkar við
sjávarútveginn sé tvíþætt. Annars vegar
er það þjónusta við fyrirtækin sjálf sem
felst meðal annars í skuldabréfa- og
hlutabréfaútboðum. Þessa þjónustu
hafa nokkur stærstu sjávarútvegsfyrir-
tækin á markaðnum sótt til okkar og
nægir að nefna Granda hf., Harald
Böðvarsson hf. og Þormóð ramma hf.
Þessa dagana stendur einmitt yfir hluta-
bréfaútboð fyrir Granda hf.
Hins vegar má nefna ávöxtun fjár til
lengri eða skemmri tíma eins og best
hentar áformum hvers fyrirtækis. Þetta
er auðvitað þjónusta sem við bjóðum
fyrirtækjum almennt en hún er ávallt
sniðin að þörfum viðskiptavinarins
hverju sinni," sagði Margrét.
Hún sagði að sú mikla athygli og um-
fjöllun sem sjávarútvegurinn hefði
fengið að undanförnu hefði skilað sér í
meiri áhuga fjárfesta en áður. Þeir sem
fjárfesta í sjávarútvegi vilja fylgjast
grannt með framgangi í atvinnugrein-
inni og því skipta upplýsingar um
fyrirtækin mjög miklu máli.
„Síðan bjóðum við auðvitað fjár-
málaþjónustu almennt fyrir einstak-
linga bæði ráðgjöf við fjárfestingar sem
og aðstoð við kaup og sölu verðbréfa.
Þetta er þjónusta sem hentar oft afar vel
t.d. sjómönnum sem þurfa að dvelja
langdvölum fjarri heimaslóð og geta
Margrét Sveinsdóttir forstöðumaður einstak-
lingsþjónustu VÍB.
ekki alltaf brugðist við þeim atvikum
sem upp koma í fjármálum þeirra með
nægilega skjótum hætti."
Margrét sagði að slík fjármálaráðgjöf
til einstaklinga væri mjög stór og vax-
andi þáttur í starfi VÍB og þetta væri
þjónusta sem stöðugt fleiri nýttu sér og
það ætti við fólk í öllum stéttum þjóðfé-
lagsins og öllum störfum.
„Það hefur mjög aukist að stofna til
samskipta við ráðgjafa sem síðan sjá um
að ávaxta sparifé viðskiptavina. Síðan
fara samskiptin ýmist fram í gegnum
síma eða þá að menn koma á staðinn.
Sumir leggja línurnar og láta síðan sér-
fræðinga okkar um að stýra málum í
einstökum atriðum."
Margrét sagði að eftir því sem fjölg-
aði fólki sem fjárfesti í hlutabréfum
fjölgaði einnig þeim sem fylgdust
grannt með þeim fyrirtækjum sem eru
skráð á hlutabréfamarkaði og þannig
yrði markaðurinn til þess að treysta
tengslin milli atvinnulífsins og almenn-
ings.
Margrét sagði að full ástæða væri til
þess að hvetja fólk til þess að kanna þá
möguleika sem fælust í því að fjárfesta
sparifé sitt í verðbréfum þar á meðal
hlutabréfum. Þetta ætti jafnt við um
sparifé sem ávaxta ætti til eftirlauna-
áranna sem og laust fé.
„Það er útbreiddur misskilningur að
það séu eingöngu stórir fjármagnseig-
endur sem fjárfesta á þessum markaði.
Það eru margir möguleikar og þeim fer
fjölgandi. Við ráðleggjum fólki oftast að
dreifa áhættunni og kaupa t.d ríkis-
skuldabréf eða bréf í traustum sjóðum
fyrir hluta sparifjárins en ekki eingöngu
hlutabréf. Hlutabréf eru í eðli sínu
áhættusöm en gefa jafnan von um
meiri hagnað."
Margrét lýsti þeirri skoðun sinni að
kynslóðaskipti væru að verða í við-
horfi fólks til fjárfestinga með þessum
hætti. Ungt fólk leitaði oft ráðgjafar og
sýndi mikinn áhuga á fjárfestingum þó
það hefði ekki alltaf mikið fé handa á
milli. □
64 ÆGIR