Ægir - 01.09.1996, Blaðsíða 90

DNG-Sjóvélar hf.:
Tölvustýrð línukerfi og
færavindur
Línukerfi nú boðin í allar stærðir skipa - færavindur til makrílveiða
og linukerfi til stærri línuskipa seld til Noregs og Japanir biðja um
lausnir.
DNG á Akureyri og Sjóvélar í Garða-
bæ sameinuðust á síðasta ári. Forráða-
menn fyrirtækisins kynntu nýlega þessi
fyrirtæki á sjávarútvegssýningu í Þránd-
heimi í Noregi. Þetta var í fyrsta skipti,
sem hið sameinaða fyrirtæki kom
þannig fram.
„Við lögðum áherslu á hið sama í
Noregi og við erum með á sýningunni í
Reykjavík," sagði Matthías Einar Jónas-
son, markaðsstjóri fyrirtækisins, í við-
tali við Ægi. Nýjungum okkar á sviði
línukerfa var mjög vel tekið í Noregi og
höfum við þegar gengið frá sölum á
þeim þar. Þetta kerfi er byggt á sama
grunni og hafði verið unnið á hjá Sjó-
vélum. Það hefur verið notað og þróað á
minni bátum með góðum árangri. Nú
bjóðum við það til notkunar í öllum
skipum. Rekkakerfi það sem við erunr
komnir með gerir það að verkum að
línukerfið hentar nú ekki síður fyrir
stóru línuskipin."
Á sýningunni í Þrándheimi var kerfið
kynnt með nýrri línu, sem framleidd er
í Hampiðjunni. Þannig er bæði verið að
koma á framfæri nýjungum á sviði vél-
búnaðar og líka í tóginu, sem notað er í
línuna sjálfa.
„DNG-Sjóvélar hafa nú hafið kynn-
ingu á sjöttu kynslóð færavinda. Þær
förum við með á breiðari ntarkað held-
ur en til þessa. Bæði eru nýju vindurnar
ætlaðar til veiða á fleiri fisktegundum
en áður, eins og markríl og smokki og
öðrum tegundum sem ekki eru veiddar
hér við land. Auk þess eru gerðar til-
raunir með að nota nýju vindurnar á
meira dýpi en áður. Það gæti nýst til
dæmis út af suðurströnd landsins og
auðvitað víðar," sagði Matthías enn-
fremur.
„Japanskir aðilar hafa leitað til okkar
og óskað eftir lausnum við veiðar á
makríl. Við eigum von á að eitthvað
komi út úr því á næstunni. Færavindur
til makrílveiða hafa verið seldar frá okk-
ur til Noregs og hafa þar hlotið gott orð.
Væntanlega hefur góður árangur DNG-
Sjóvéla þar spurst út og meðal annars
borist til Japan."
En hversvegna var verið að sameina
þessi tvö fyrirtæki?
„Fram til þess tíma að sameiningin
varð höfðu Sjóvélar einbeitt sér að línu-
kerfum og DNG að færavindum. Eftir
sameininguna keyrum við þetta saman.
Ætlum að nýta það besta úr báðum
kerfum og þá jafnframt að spara okkur
tvíverknað við það sem þeim er sameig-
inlegt. Rekstur verður áfram á báðum
stöðum, á Akureyri og í Garðabæ. Til-
gangur sameiningarinnar var líka sá að
með því að hafa aðstöðu í Garðabæ, þá
styrkjum við markaðsstöðu færavind-
unnar á suðvesturhorninu."
Um 20 manns starfa hjá DNG-Sjóvél-
um en Matthías sagði að alþjóðleg sam-
keppni væri mikil á sviði fyrirtækisins
og þeir fjölmargir sem nú byðu fram
lausnir til línu- og færaveiða. Úrvalið í
boði væri mikið. „En við tökum því
auðvitað eins og það er enda teljum við
okkur standa vel að vígi.
Mattliías Einar Jðnasson, inarkaðsstjóri hjá
DNG-Sjóvélum hf.
Hjá DNG-Sjóvélum er mikið að ger-
ast og margt framundan. Hvernig til
tekst mun ráðast af því hvernig okkur
auðnast að nýta tækifærin. Við höfum
ákveðið að einbeita okkur að þjónustu
við sjávarútveginn og þar teljum við
okkur besta."
Matthías sagði okkur að lokum að
margt benti til þess, að notkun línu-
kerfa og færavinda mundi aukast í
næstu framtíð. Til dæmis væru nú öll
önnur veiðarfæri en krókar bönnuð við
vesturströnd Norður-Ameríku. Allt frá
syðsta hluta Mexíkó og norður með
ströndum Kanada. Þarna hefði verið
gífurleg ofveiði um áratugaskeið og
þetta væri svarið við henni. Allir
þekktu hrun fiskistofna við Nýfundna-
land og þar væri talið víst að þegar ein-
hverjar veiðar yrðu heimilaðar á ný
yrðu krókaveiðarnar einar um hit-
una. □
90 ÆGIR