Ægir - 01.09.1996, Blaðsíða 84

Nótastöðin Oddi á Akureyri
Sinnum öllum veiðarfærum
„í dag bjóðum við öllum fiski-
mönnum og útgerðarmönnum
veiðarfæri, hvort sem þeir eru að
veiða í nót, net, dragnót eða fiski-
troll. Það eina sem við höfum ekki
sinnt mikið er að sauma humar-
troll en það skapast aðallega af
því að hér fyrir norðan er humar-
veiði ekki stunduð," sagði Vin-
cent Newman framkvæmdastjóri
Nótastöðvarinnar Odda á Akur-
eyri í samtali við Ægi.
Nótastöðin Oddi er gamalgróið fyrir-
tæki í netagerð því það var stofnað árið
1953 og fyrstu árin var mikil áhersla
lögð á þjónustu við síldarflotann eins
og nafnið bendir til. Oddi fylgdist þá
eins og nú vel með þróuninni og fór að
sinna þörfum togaraflotans fljótlega eft-
ir að togaraútgerð hófst frá Akureyri en
það var á tímabili sem kennt hefur verið
við nýsköpun á sjötta áratugnum.
„í dag er okkar þjónusta alhliða en ég
vil þó sérstaklega benda á þá þjónustu
okkar að við tökum síldar- og loðnunæt-
ur inn í hús og geymum þær þar fyrir
okkar viðskiptavini. Við þurrkum næt-
urnar með heitum blæstri og það tekur
fjóra til fimm daga að þurrka hverja nót.
Síðan eru þær geymdar skráþurrar á
dimmum og þurrum stað. Þetta er ákaf-
lega brýnt og stóreykur endingartíma
nótanna því sólarljós skemmir nælonið.
Þegar nót fær að liggja í blautum haug
vikum saman hitnar í bingnum og það
skemmir nótina," sagði Vincent.
Nótastöðin Oddi er í dag með 12
starfsmenn í vinnu en þegar mest er að
gera verða þeir um 20. Undanfarin ár
hefur Oddi átt velgengni að fagna og
síðustu sjö ár hefur velta fyrirtækisins
aukist jafnt og þétt milli ára. Markaðs-
svæði Odda er um allt Norðurland en
með aðaláherslu á Eyjafjörð en í gegn-
um árin hefur Oddi skipt mikið við fyr-
irtæki austan Akureyrar, á Þórshöfn,
Raufarhöfn og Vopnafirði og svo er enn
í dag.
„Á árum áður náði markaðssvæði
Odda frá Blönduósi og austur til Vopna-
fjarðar en með aukinni samkeppni r
netagerð og fjölgun fyrirtækja hefur
þetta breyst," segir Vincent sem bendir
einnig á að togarar sæki minni þjónustu
Vincent Nevman
framkvœmdastjóri
Nótastöðvarinnar
Odda.
til netaverkstæða en áður vegna þess að
mjög mörg útgerðarfyrirtæki reki lítil
verkstæði sem annist þeirra skip og ekki
síður vegna þess að tækni við togveiðar
hefur fleygt fram á síðustu árum og
veiðarfæraslit því mun minna í dag en
áður var.
„Nú til dags láta togaramir trollið rétt
sleikja botninn og togari sem er t.d. á
grálúðuveiðum slitur í dag tveimur
undirbyrðum á sama tíma og hann
hefði gatslitið tuttugu áður."
Aukin rækjuveiði hefur leitt til meiri
viðskipta við rækjuveiðiflotann og
stöðugt er leitað eftir nýrri og betri veið-
arfærum þó varla sé rétt að tala um bylt-
ingu.
„Það hafa ekki orðið neinar stórar
breytingar nema hvað nú nota rækju-
skip seiðaskilju sem er nýtt en veiðar-
færið er í meginatriðum óbreytt. Hitt er
svo annað mál að skipstjórar og útgerð-
armenn eru stöðugt leitandi að nýjum
leiðum og láta oft gera smábreytingar
vegna þess og því má segja að framþró-
un sé stöðug og jöfn."
Hjá Odda vinna fjórir lærðir neta-
gerðarmenn og tveir nemar eru á samn-
ing hjá fyrirtækinu en að sögn Vincents
er töluverður áhugi meðal ungs fólks á
því að læra netagerð og komast færri að
en vilja.
„Hér á landi er netagerð löggilt iðn-
grein og að því leyti stöndum við tölu-
vert framar en nágrannalönd okkar eins
og Danmörk og Bretland. Þetta skilar sér í
því að veiðarfæri sem em flutt inn frá þess-
um löndum standast oft varla samanburð
við það sem krafist er hér innanlands."
Vincent segir að innlend netaverk-
stæði geti vel keppt við innflutning í
verði á veiðarfærum en með gæðakröfur
í huga sé varasamt að horfa eingöngu á
verðið. Hann sagði að samkeppni milli
innlendra netaverkstæða væri töluverð
og vaxandi þar sem flotinn minnkaði
heldur miðað við framboð á þjónustu. □
84 ÆGIR