Ægir - 01.09.1996, Blaðsíða 146

Helmingur framleiðslunnar
Landssmiðjan hf.:
á erlendan markað
Landssmiðjan hf. sem fram til 1992 var hefðbundið málmiðnaðarfyrir-
tæki leggur nú megináherslu á framleiðslu véla og tækja fyrir mat-
vælaiðnað en hér ber sjávarútvegur og fiskvinnsla höfuð og herðar
yfir aðrar greinar, eins og kunnugt er.
„í dag er staðan sú, að 80% af starf-
semi fyrirtækisins snýst um þetta meg-
inatriði, það er framleiðslu véla og
tækja fyrir matvælaiðnaðinn," sagði
Birgir Bjarnason framkvæmdastjóri fyr-
irtækisins í viðtali við Ægi. Rétt liðlega
helmingur veltu fyrirtækisins er vegna
sölu erlendis. Þar er Noregsmarkaður
stærstur, síðan Rússland, nokkuð hefur
farið til Miðjarðarhafslanda og síðan
einnig til Afríku.
Birgir Bjarnason framkvœmdastjóri Lands-
smiöjunnar.
Megináherslan á vélar og tæki
fyrir matvælaiðnaðinn
Uppbygging starfsins á nýjum vett-
vangi, framleiðslu véla og tækja fyrir
matvælaiðnaðinn og meðfylgjandi
breytingar við að fyrirtækið hættir að
vera hefðbundið málmiðnaðarfyrirtæki
hefur tekið allan okkar tíma frá árinu
1992. Við kusum að einbeita okkur að
uppbyggingunni og hafa hljótt um okk-
ur á meðan. Á sjávarútvegssýningunni í
Laugardalnum kynnum við nú starf-
semi okkar á þessum vettvangi.
Um þessar mundir erum við að flytja
starfsemina af Sölvhólsgötunni, sem við
höfum verið í ein 66 ár, í nýtt húsnæði
sem við festum kaup á í Garðabæ. Við
það mun öll aðstaða batna og rekstur-
inn þá kominn í gott nútíma verk-
smiðjuhúsnæði, sem gefur nauðsynlega
möguleika til stækkunar.
Bæði Guðbjörgin og Arnar með
vinnslubúnað frá Landssmiðjunni
Eins og áður sagði þá er reksturinn að
langmestu leyti innan sjávarútvegsins.
Þekking okkar á því sviði liggur einkum
þar í sérþekkingu starfsmanna okkar,
sem hafa mikla reynslu innan flestra
greina hans. Við bjóðum heildarlausnir
fyrir viðskiptavini okkar. Allt frá því að
greina hráefnið inn í húsið og til þess
að velja í hvers konar umbúðum afurð-
in á að vera, þegar hún kemur út úr
húsi. Þjónusta okkar nær sem sagt yfir
allan framleiðsluferilinn en að sjálf-
sögðu getum við leyst einstaka þætti
framleiðsluferilsins ef þess er óskað.
Meðal aðila sem við höfum þjónað með
heildarlausnum má nefna frystitogar-
ana Guðbjörgina frá ísafirði og Arnar á
Skagaströnd.
Allar tegundir færibanda, flutn-
ingstækja, flæðilína og flokkara
Hér hjá Landssmiðjunni hf. eru
smíðaðar allar tegundir færibanda og
flutningstækja, flæðilína og flokkara.
Annaðhvort framleiðum við þetta allt
sjálfir eða erum með viktunarkerfi frá
íslenskum aðilum. í upphafi breyting-
arinnar á starfseminni árið 1992 og
síðan var vaxtarbroddur fyrirtækisins
innan saltfisksframleiðslunnar í Nor-
egi. Sú uppbygging var í náinni sam-
vinnu við fyrirtækið Traust-Þekking (-
Traust-Knowhow). Við framleiðum all-
ar þær vörur, sem hannaðar eru og
markaðssettar af Trausta Eiríkssyni for-
svarsmanni þess fyrirtækis. Meðal
framleiðsluvara okkar má nefna
„Landssmiðjuflæðilinuna," sem byggir
á flæðilínuhugmyndinni með full-
kominni viktun afurða frá hverjum
einstökum starfsmanni þar sem hægt
er að vinna úr nýtingartölum á margs-
konar hátt.
Hraðpökkunarkerfið byggt á
reynslu loðnuframleiðenda
Á sjávarútvegssýningunni í Laugar-
dalnum leggjum við mesta áherslu á að
kynna það sem við köllum hraðpökk-
unarkerfi fyrir síld, loðnu, makríl og
jafnvel rækju. Það er hannað í sam-
vinnu við fyrirtækið Samey hf. Afkasta-
geta þessa kerfis er 5 til 7 tonn á klukku-
stund. Kerfið var sett á markað fyrir síð-
ustu loðnuvertíð og fór til 12 helstu
loðnuverkenda. Reynslan sem fékkst af
notkun þess hefur nýst okkur til að
auka afköst hraðpökkunarkerfisins og
einnig að bæta aðra hluta þess.
Við notkun kerfisins næst meiri ná-
kvæmni en áður við pökkun. Afköst
þess gera það að verkum að nú þarf þrjá
starfsmenn við verk sem áður var í
höndum 12 manna. í dag bjóðum við
upp á pökkunarkerfi, sem getur afkastað
350 tonnum á sólarhring. Þá er um að
ræða sjálfvirka mötun inn á kerfið og
einnig frá því," sagði Birgir Bjarnason,
framkvæmdastjóri að lokum. □
146 ÆGIR