Ægir - 01.09.1996, Blaðsíða 54

A. Karlsson
Bjóðum heildarlausnir í eldhúsum
„Við leggjum mikla áherslu á að bjóða heildarlausnir í eldhúsum, hvort
sem það er í landi eða á sjó. Við erum að selja allt í eldhúsin í skipunum
og má þá einu gilda hvort um er að ræða smærri báta eða stór frysti-
skip. Við tökum að okkur allar endurnýjanir í eldri skipum og eitt af því
sem við erum hvað stoltastir af eru nýju gufuofnarnir okkar. Við höfum
verið að selja ofna bæði frá Hubart og Electrolux og þeir hafa reynst
geysivel," segir Þórður Ásmundsson, sölustjóri hjá A. Karlsson hf.
Aðspurður hvað fyrirtækið selji af öðr-
um hlutum í eldhús skipanna segir Þórð-
ur það vera nánast með allt. Það sé óhætt
að fullyrða að fáist það ekki hjá A. Karls-
son þá þurfi skipið hreinlega ekki á því að
halda.
„Annars erum við mikið með upp-
þvottavélar og ég hef gaman af því að
segja frá því að þegar ég var á sjó á Har-
aldi Böðvarssyni frá Akranesi fyrir
nokkrum árum var þar uppþvottavél frá
Hubart sem sett var um borð 1974. Hún
er enn í fullri notkun og slær ekki
feilpúst," segir Þórður.
Þórður segir A. Karlsson langt í frá ein-
beita sér eingöngu að skipunum. Fyrir-
tækið sjái um tækjabúnað fyrir sjúkrahús,
dvalarheimili, leikskóla, mötuneyti og
eldhús á veitingahúsum og hótelum.
Fyrirtækið A. Karlsson hefur verið
nokkuð lengi í þessum geira. Til þess að
byrja með var það eingöngu með upp-
þvottavélar en hefur fært smám saman út
kvíarnar á síðustu árum. í dag starfa um
20 manns hjá fyrirtækinu og er því skipt
upp í þrjár deildir. Ein er eldhústækja-
deild, önnur iðnaðartækjadeild, með iðn-
aðarþvottavélar, tæki fyrir efnalaugar, ál-
stiga, palla, stillansa, ruslapressur og ým-
islegt fleira, og sú þriðja er lækninga-
tækjadeild. Þar fæst allt frá minnstu
sprautum til fullkomnustu sónartækja.
„Að því er varðar eldhúsin um borð í
skipunum þá hefur orðið mikil breyting á
allri vinnuaðstöðu fyrir kokkana. Það er
allt annað fyrir þessa menn að vinna
með þessi nýtísku tæki og allt til alls. Þar
eru gjarna komnar kaffiteríur þar sem á-
höfnin gengur í röð og tekur sér mat frá
Þórður Ásmundsson sölustjóri hjá A. Karls-
syni hf.
hitaborði. Það gerir það að verkum að
það er í flestum tilfellum nóg að hafa
einn kokk um borð og síðan einn
messagutta honum til aðstoðar," segir
Þórður.
Gufuofnarnir skipta þarna miklu máli
að sögn Þórðar. Það sé bókstaflega hægt
að gera hvað sem er í þeim, sjóða kartöfl-
ur og grænmeti, stórsteikur o.fl. Þórður
segir ofnana afskaplega þægilega því að
með því að nota þá losni menn að stór-
um hluta við notkun potta og viðlíka á-
halda. Þeim fylgi heilmikill vinnusparn-
aður og það sjái hann best með því að
hugsa fimm til sex ár aftur í tímann, til
þess tíma þegar hann var á sjó. Þá hafi
kokkurinn verið að allan daginn, með
potta og pönnur á lofti og fyrirhöfnin
verið töluverð, jafnvel þótt karlarnir hafi
bara verið tólf um borð.
„Ef þú ert með þessa gufuofna geturðu
sett fiskinn t.d. í bakka og soðið hann í
ofninum í nokkrar mínútur. Síðan er
bakkinn tekinn og honum komið fyrir í
heitu borðinu. Stærðir bakkanna eru að
sjálfsögðu miðaðar við að þeir passi í
hitaborðin líka."
Aðspurður hvort menn geri meiri kröf-
ur um þægindi í eldhúsum um borð í
skipunum en í landi segir Þórður það
ekki vera. Hins vegar verði þeir að gera
miklar kröfur um gæði tækjanna. Það
geti verið afskaplega hvimleitt að vera á
tveggja til þriggja mánaða túr og í miðj-
um túr bili allt.
Þórður segir megnið af því sem þeir
selji í skipin vera flutt inn. Það sem fyrir-
tækið geti látið smíða láti það smíða hér
heima, vagna fyrir glasagrindur og fleira
slíkt. Hann segir stálborð vera smíðuð er-
lendis og það helgist af verðinu. Stálborð-
in séu mikið notuð í kringum uppvösk-
unarlínuna t.d.
„Við höfum verið mjög lítið í innrétt-
ingunum sem slíkum, þ.e. skápunum
sjálfum. Þetta er fyrst og fremst tækjasala
og við ieggjum metnað okkar í hana. Við
seljum gríðarlega mikið af kaffivélum og
svo erum við með sorppressurnar. Þær
hafa komið sér vel fyrir skip sem eru
lengi úti í einu því eins og auðvelt er að í-
mynda sér þá tekur sorpið mjög mikið
pláss. Með þessum pressum er hægt að
pressa sorpið saman um 80 til 90 pró-
sent."
A. Karlsson er með öfluga sex manna
viðgerðardeild sem sinnir öliu viðhaldi á
þeim tækjum sem það selur. Það er með
stóran varahlutalager og leggur að sögn
Þórðar metnað sinn í að sinna því starfi
vel. Það sé alveg eins með þessi tæki eins
og með bílinn. Menn keyri ekki enda-
laust á þeim án þess að láta yfirfara þau
og laga. □
54 ÆGIR