Ægir - 01.09.1996, Blaðsíða 28

J. Hinriksson ehf
Toghlerar til tuttugu landa
Óhætt er að segja að vélaverkstæðið J. Hinriksson sé fjölskyldufyrir-
tæki með stórum staf. Jósafat Hinriksson sem stofnaði fyrirtækið árið
1963 veitir því enn forstöðu, og þar starfa með honum fjórir synir
hans. Og ekki nóg með það, heldur hafa auk þess sex barnabarna
Jósafats verið við störf í fyrirtækinu í sumar.
Fyrirtækið þarf vart að kynna, því Poly-
Ice toghlerar J. Hinrikssonar eru þekktir
um allan heim, og varla er til það íslenskt
fiskveiðiskip sem ekki er búið togblökk frá
þeim. Fyrirtækið selur hlera til tuttugu
landa, og er einn af þremur stærstu tog-
hleraframleiðendum heims. Mest er flutt
út til Færeyja, Noregs, Skotlands, Þýska-
lands og Bandaríkjanna. Auk þess eru
seldir hlerar meðal annars til Suður-Afr-
íku, Namibíu, Ástralíu, Chile og Perú.
Útlitið lítið breyst
Toghlerarnir hafa verið í framleiðslu
hjá J. Hinrikssyni í 28 ár. í upphafi voru
hlerarnir úr stálplötum með tré á milli, og
þá sem nú, sporöskjulaga. Viðnum fylgdi
hins vegar mikið viðhald, og því fór fyrir-
tækið fljótlega út í að þróa stálhlera sem
hvort tveggja þoldu meira álag og voru
viðhaldsminni.
Merkilegt verður að teljast, að í raun
hafa hlerarnir lítið breyst í útliti frá upp-
hafi. Að sögn þeirra hjá J. Hinrikssyni hef-
ur það sannað sig, bæði úti á sjó og með
tilraunum í landi, að þetta ákveðna hlera-
lag virðist einfaldlega vera besti kosturinn
fyrir botnhlera. Hönnun hleranna hefur
þó breyst mjög mikið í timans rás. Afstaða
platna er orðin allt önnur, og ýmis smáat-
riði öðruvísi útfærð, sem hefur gert þá
spameytnari og endingarbetri. Mikið
reynir á hlerana við íslenskar aðstæður,
sem eru sérstaklega erfiðar. Sem dæmi má
nefna að hleri sem endist í tvö ár hér, get-
ur enst allt upp í tíu til fimmtán ár við
einfaldari aðstæður.
Nýir flothlerar reynast vel
J. Hinriksson hefur tekið þátt í Sjávar-
útvegssýningunni frá upphafi, og skipar
sinn fasta sess í aðalsýningarsalnum. Bás
fyrirtækisins var í fyrra settur upp sem lík-
an af gömlum hjalli, þar sem uppistaðan
voru ótal gamlir og fallegir munir úr
einkasafni Jósafats Hinrikssonar. Ætlunin
er að hafa svipaðan hátt á í ár, enda vakti
bás þeirra mikla athygli í fyrra. Einnig
verður fyrirtækið með útistand þar sem
verður til sýnis stór flothleri og botnhleri.
Atli jósafatsson markaðsstjóri hjá ]. Hin-
rikssyni.
Einn minni hleri verður til sýnis innan
dyra, og kynntur verður Bosta togvír sem
fyrirtækið er með umboð fyrir.
Á útistandinum verður sýndur stór
flothleri sem hefur verið hannaður í sam-
vinnu við Háskólann og er nýr í fram-
leiðslu hjá fyrirtækinu. Tveir spoilerar eru
á hleranum til að auka straumflæði í
gegnum hann, sem er byltingarkennd
nýjung. Farið var með hlerann í prufut-
ank með Hampiðjunni, og hann reyndur
með Gloríurisatrollunum þeirra með góð-
um árangri. Frá því í mars á þessu ári, þeg-
ar J. Hinriksson kom fram með fyrsta
parið af þessari tegund, hafa þeir selt um
þrjátíu pör út um allan heim. Á hálfu ári
eru hlerarnir komnir til allra heimshorna,
allt frá Rússlandi og Noregi til Suður-Am-
eríku og frá Ástraliu til Alaska.
„Skverunarhæfni hleranna er það mik-
il að menn eru að skipta niður, og fara
niður um tvær, jafnvel þrjár stærðir í hler-
um" segir Atli Már Jósafatsson sölustjóri.
„Menn sem eru ef til vill að nota 12 fer-
metra hlera, komast af með 9 fermetra
hlera af þessari gerð. Með þessum breyt-
ingum hjá okkur, og ákveðnum breyting-
um sem Hampiðjan er að gera hjá sér, eru
skip í dag að nota stærri troll en þau voru
að nota í fyrrasumar. Bara vegna meiri
hagkvæmni í trollinu sjálfu og í hlerun-
um, sem eru orkusparandi."
J. Hinriksson kemur einnig til með að
kynna alveg nýja gerð botnhlera á sýning-
unni. Gerðar voru tilraunir með þá fyrir
stuttu, sem komu það vel út að forráða-
menn fyrirtækisins segjast hafa fulla á-
stæðu til bjartsýni um að mikið eigi eftir
að seljast af þeim, og þá sérstaklega í
rækjubáta.
íslenska sýningin að taka yfir
Þeir hjá J. Hinrikssyni segjast þurfa að
hafa mikið fyrir því að markaðssetja
framleiðslu sína. Markaðurinn hafi
breyst töluvert á undanförnum 10-15
árum, og ekki dugi lengur að fara bara á
eina stóra sýningu til að kynna sig eins
og áður. Með bættum samgöngum og
meiri samkeppni er komin fram sú krafa
hjá viðskiptavinunum að fyrirtækin
komi á þeirra heimaslóðir til að kynna
vöruna. Þess má geta að sjávarútvegssýn-
ingin í ár er 86. sýningin sem J. Hinriks-
son tekur þátt í.
Atli Már kveður ljósa punktinn í þess-
ari þróun hins vegar vera þann að sýning-
in hér á íslandi er að verða stærsta sýning-
in á þessu markaðssvæði. Hann segir hana
greinilega vera að taka yfir Kaupmanna-
hafnarsýninguna hvað stærð og aðsókn
varðar, og það komi sér vissulega vel fyrir
innlend fyrirtæki sem vilji sækja á erlenda
markaði. □
28 ÆGIR