Árbók Háskóla Íslands - 02.01.1955, Blaðsíða 18

16
ekkert er að hafa af C-vítamíni utan þess, sem daglega fæst í
kartöflum og mjólk.
Talið er, að 10 mg af C-vítamíni á dag nægi til að koma í veg
fyrir skyrbjúg. Svo mikið ætti að geta fengizt úr 200 g af kartöfl-
um eftir veturlanga geymslu. En minni ætti kartöfluneyzlan
helzt ekki að vera.
Gulrófur.
Af gulrófum voru rannsökuð 50 sýnishorn, þar af 29 í október
og nóvember, fimm í september, en hin á öðrum tímum árs.
Lagði Sturla Friðriksson, mag. scient, til flest sýnishornin, sem
rannsökuð voru að haustinu (sept. 1952, okt. 1953 og nóv. 1951).
Mynd 5 sýnir, hve mikið mældist af C-vítamíni í hverju sýnis-
horni og enn fremur, hvenær rannsókn fór fram.
Mælingargildin eru talsvert dreifð, en yfirgnæfandi meiri hlut-
inn er innan markanna 30 og 50 mg. Meðaltal þeirra allra er 39,0,
að heita má hið sama og meðaltal haustmælinganna (sept.-nóv.),
en það var 39,1. Fram til febrúar er heldur ekki neina lækkun að
sjá á myndinni, en eftir þann tíma eru aðeins fjögur sýnishorn
rannsökuð, tvö um mánaðamótin maí-júní og tvö i ágúst (geymd
í jarðhúsum til júlíloka), og er meðaltal þeirra 37,2 mg.
Samkvæmt þessu virðist C-vítamínið ekki rýrna að neinu ráði
við geymsluna. Þó ber að athuga, að hér var ekki nema að litlu
leyti um að ræða, svo að öruggt væri, endurteknar rannsóknir á
sömu afbrigðum og úr sömu uppskeru. En hvað sem því líður,
sýnist lítill vafi á því, að C-vítaminið endist vel í gulrófum, a. m. k.
mun betur en í kartöflum.
Það mun láta nærri, að helmingi meira sé af C-vítamíni í nýj-
um rófum en nýjum kartöflum. En þegar líður á veturinn verður
munurinn æ meiri, þó að gert sé ráð fyrir meiri aukningu á úr-
gangi úr rófum en kartöflum.
Meðaltal rófnanna reyndist hér líkt því, sem gefið er upp ann-
ars staðar, t. d. í enskum og dönskum næringarefnatöflum (1; 12),
þar er viðmiðunartalan 40 mg, en í norskum töflum (30) 30 mg.
Næpur. Athuguð voru 15 sýnishorn í október og nóvember.