Árbók Háskóla Íslands - 02.01.1955, Blaðsíða 64

62
heldur ekki verið sýnt fram á nokkurn mun á heilsufari manna
eða lífsþrótti eftir því, til dæmis, hvort í blóðvökva er að stað-
aldri um 0,2—0,4 mg C-vítamíns í 100 ml eða 0,8 mg og þar
yfir, og augljós fjarstæða sýnist, að telja það örugg merki sjúk-
legs ástands, ef mælingar sýna lægri gildi en 0,4 mg/100 ml.
Ýmsar einstakar athuganir hafa sýnt, að menn geta komizt af
með 10 mg af C-vítamíni á dag, án þess að nokkurra einkenna um
skyrbjúg verði vart. Þetta hefur og verið staðfest með tilraun-
um á mönnum (sjálfboðaliðum). Voru þær tilraunir gerðar í Eng-
landi á árum síðustu heimsstyrjaldar, og var vel til þeirra vand-
að í hvívetna (40; 41). 1 meira en eitt ár fengu nokkrir mann-
anna aðeins 10—11 mg af C-vítamíni á dag, án þess að nokkurra
hörguleinkenna yrði vart, en C-vitamín í blóðvökva var að stað-
aldri undir 0,1 mg/100 ml. Og þessi skammtur reyndist meira að
segja nægur til að lækna skyrbjúg, þó að það tæki alllangan
tíma.
Ekki var þó talið sannað með þessum rannsóknum, að 10 mg
hefðu nægt til fyllstu þrifa, athuganir á starfsþoli mannanna gáfu
tilefni til efasemda um, að svo hefði verið. En hvað sem því líður,
ber að hafa í huga, að þörf einstaklinganna er vafalaust talsvert
mismikil, og neyzlumarkið verður að setja svo hátt, að fullnægt
sé þörfum hinna þurftafrekustu.
Nefndin, sem sá um framkvæmd þessara rannsókna (Vitamin
C Subcommittee of the Accessory Food Factors Committee, Me-
dical Research Council), gerði ekki tillögur um ákveðið neyzlu-
mark C-vítamíns, en árangur rannsóknanna taldi hún benda til
þess, að engin ástæða væri til að krefjast meiri neyzlu en sem
svaraði 30 mg á dag.
Er þetta í fullu samræmi við það, sem áður hefur verið haldið
fram, m. a. með hliðsjón af athugunum hér á landi, þ. e., að það
hafi ekki við rök að styðjast að krefjast hærra neyzlumarks en
30 mg (33, 32).
I töflu 21 eru dregnar saman niðurstöður af athugunum á C-
vítamínneyzlu landsmanna á árunum 1936—40 og 1941—45. Var
þar stuðzt við framleiðslu- og verzlunarskýrslur, og hefur ítar-
legri greinargerð verið birt annars staðar (33).