Árbók Háskóla Íslands - 02.01.1955, Blaðsíða 62

60
Meðaltal allra sýnishornanna úr lifur í þessum flokki (19
manns) var 9,5 mg/100 g; innan 50 ára aldurs (13 manns) var
það 11,4 mg, en 5,7 meðal hinna sex, sem voru á aldrinum 50—58
ára. Meðalmagn sýnishornanna 7, sem rannsökuð voru í septem-
ber-desember, var 11,5, en hinna 12 (janúar-maí) 8,6 mg.
Giroud (13) telur, samkvæmt rannsóknum sínum, að meðal-
magn C-vítamíns í nýrnahúfum fullorðinna sé um 40 mg/100 g,
en barna 50 og gamalmenna 10 mg, en tilsvarandi tölur fyrir lifur
séu 15, 20 og 4 mg. Að svipuðum niðurstöðum um nýrnahúfur
höfðu þeir Jaworsky, Almaden og King komizt (19), en tölur
þeirra voru, 39,3 mg (aldur 11-—45 ára), 55 (1—10 ára) og 23
mg (46—77 ára); í lifur fundu þeir að meðaltali 11,2 mg/100 g.
Ekki verður séð af þeim heimildum, sem tiltækilegar eru, hve
víðtækar þessar rannsóknir hafa verið eða hvort þær eiga við
heilbrigt fólk eða sjúklinga. Aðrar heimildir munu fáar um hlið-
stæðar rannsóknir.
Eins og tafla 20 ber með sér, reyndist C-vítamínmagnið í nýrna-
húfum yfirleitt minna meðal sjúklinga — að undanteknum berkla-
sjúklingum — en þeirra, sem urðu bráðkvaddir eða létust voveif-
lega. Berklasjúklingarnir voru aðeins 7 og höfðu sumir (e. t. v.
flestir) fengið C-vítamínlyf. C-vítamínlyf höfð og fengið, svo
vitað væri með vissu, einn sjúklingur með illkynjað æxli og
annar í flokknum „ýmsir sjúkdómar“, en eigi að síður var með-
altal þessara flokka aðeins um 30 mg, enda var það oft, að
minna mældist en 20 mg/100 g.
Við þennan samanburð ber þó að taka tillit til þess, að aldur
sjúklinga með illkynja æxli var hærri en annars gerðist, voru 7
þeirra (af 11) eldri en 50 ára og 9 voru frá 48—61 árs. Af berkla-
sjúklingum voru tveir yfir fimmtugt, en einn aðeins í flokknum
„ýmsir sjúkdómar“. Skipting eftir árstíðum var ekki svo ólík
innan flokkanna að það raskaði samanburði.
Ekki kom fram tilsvarandi munur á C-vítamínmagni í lifur við
flokkun eftir banameinum, enda voru flokkarnir fámennir, því
að mun færri sýnishorn voru rannsökuð af lifur en nýrnahúfum.
Berklasjúklingar eru hér t. d. aðeins tveir, og hafði a. m. k. ann-
ar fengið C-vítamínlyf. Einn sjúklinganna með illkynja æxli, sem